ଓ୍ୱାରସ – ପୋଲାଣ୍ଡରେ ଏବେ ବିଲେଇଙ୍କ ମଧ୍ୟରେ ବାର୍ଡଫ୍ଲୁ ଚିହ୍ନଟ ହୋଇଛି । ବହୁ ସଂଖ୍ୟାରେ ବିଲେଇ ଏବେ ଏଚ୍ଫାଇଭ୍ଏନ୍ଓ୍ୱାନ ଭୁତାଣୁ ଦ୍ୱାରା ସଂକ୍ରମିତ ହୋଇଛନ୍ତି । ଗତମାସରେ ପୋଲାଣ୍ଡରେ ବହୁ ସଂଖ୍ୟାରେ ବିଲେଇଙ୍କର ମୃତ୍ୟୁ ହୋଇଥିଲା । ଏହାପରେ ସେମାନଙ୍କର ପରୀକ୍ଷଣ କରାଯାଇଥିଲା । ବର୍ଡ ଫ୍ଲୁରେ ଆକ୍ରାନ୍ତ ହୋଇ ବିଲେଇଙ୍କର ମୃତ୍ୟୁ ହୋଇଥିବା ଜଣା ପଡିଥିଲା । ତେବେ ବିଲେଇଙ୍କୁ ଏହି ଭୁତାଣୁ କାହିଁକି ଏବଂ କିପରି ଆକ୍ରାନ୍ତ କରୁଛି ତାହା ଜଣାପଡିନାହିଁ ।
ଏଥିରେ ବିଲେଇମାନଙ୍କର ଶ୍ୱାସକ୍ରିୟାରେ ବାଧା ସହ ରକ୍ତଝାଡା ହୋଇ ମୃତ୍ୟୁ ହେଉଛି । ୧୯୯୬ରେ ଏହା ସାରା ବିଶ୍ୱରେ ଭୟଙ୍କର ରୂପ ନେଇଥିଲା । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଏବେର ସଂକ୍ରମଣ ବିଷୟରେ ସୂଚନା ଦେଇଛି ।
ତେବେ ଏପର୍ଯ୍ୟନ୍ତ ଏହା ମଣିଷଙ୍କୁ ବ୍ୟାପି ନଥିବା କୁହାଯାଇଛି । ସଂକ୍ରମିତ ବିଲେଇଙ୍କ ଠାରୁ ଦୂରରେ ରହିବା ଠିକ୍ ଭାବେ ସାନିଟାଇଜ୍ ହେବା ପାଇଁ ପୋଲାଣ୍ଡରେ ମାର୍ଗଦର୍ଶିକା ଜାରି କରାଯାଇଛି ।
Comments are closed.