ଆଠଗଡ : ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟାଦେଶକୁ ନେଇ ଆଠଗଡ ଥାନାରେ ମାମଲା ହୋଇଥିବା ଜଣାପଡିଛି। ସୂଚନାଯୋଗ୍ୟ ଆଠଗଡ ବ୍ଲକ ଅଧିନ ଖୁଣ୍ଟୁଣୀ ଥାନା ଅନ୍ତର୍ଗତ ଡାଳଭାଗ ଗ୍ରାମର ରଞ୍ଜିତା ବେହେରା ପିତା ଗଦାଧର ବେହେରାଙ୍କ ନାମରେ ଗତ କିଛି ଦିନ ତଳେ କୃଷିମନ୍ତ୍ରୀ ପ୍ରଧାନମନ୍ତ୍ରୀ ଆବାସ କାର୍ଯ୍ୟାଦେଶ ବଣ୍ଟନ କରିଥିଲେ। ମାତ୍ର ସଂପୃକ୍ତ ପଞ୍ଚାୟତର ପଞ୍ଚାୟତ ନିର୍ବାହୀ ଅଧିକାରୀ ତଥ୍ୟ ଯାଞ୍ଚ କରିବା ପରେ ରଞ୍ଜିତାଙ୍କ ସ୍ବାମୀ ମହେଶ୍ବର ବେହେରା ପୂର୍ବରୁ ପ୍ରଧାନମନ୍ତ୍ରୀ ଆବାସ ପାଇଥିବା ଜଣାପଡିଥିଲା। ଘଟଣା ସଂପର୍କରେ ପଞ୍ଚାୟତ ନିର୍ବାହୀ ଅଧିକାରୀ ବିଡ଼ିଓଙ୍କୁ ଅବଗତ କରାଇଥିଲେ। ଏହାପରେ ବିଡ଼ିଓ ଯାଞ୍ଚ କରି ଘଟଣାର ସତ୍ୟତା ଜାଣିବା ପରେ ତାଙ୍କର ଆବାସ ଯୋଜନା କାର୍ଯ୍ୟାଦେଶକୁ ସ୍ଥଗିତ ରଖିଥିଲେ। ଏହାର ପ୍ରତିବାଦରେ ଆଠଗଡ ଥାନାରେ ବିଡିଓଙ୍କ ବିରୋଧରେ ରଞ୍ଜିତା ଅଭିଯୋଗ କରିଥିବା ନେଇ ଉପନିରୀକ୍ଷକ ବିଶ୍ବଜିତ ଜେନା ପ୍ରକାଶ କରିଛନ୍ତି। ଅନ୍ୟ ପକ୍ଷରେ ବିଡ଼ିଓ ପ୍ରଦୀପ କୁମାର ସାହୁଙ୍କୁ ଯୋଗାଯୋଗ କରିବାରେ ଏଭଳି ଘଟଣା ଜଣା ପଡିବା ପରେ ଆଠଗଡ ଥାନାରେ ଅଭିଯୋଗ କରାଯାଇଛି ବୋଲି ସେ ପ୍ରକାଶ କରିଛନ୍ତି।
Comments are closed.