ବୌଦ୍ଧ: ବୌଦ୍ଧ ତହସିଲ ଧୁଡୁରୁବାହାଲ ଗ୍ରାମର ବନ୍ଧୁପାଲିସାହିବାସୀଙ୍କ ମଧ୍ୟରେ ଆତଙ୍କ ଖେଳି ଯାଇଛି। ନିକଟରେ ଥିବା ପଥର କ୍ବାରୀର ବିସ୍ଫୋରଣ ଯୋଗୁଁ ଘରର କାନ୍ଥରେ ଫାଟ ସୃଷ୍ଟି ହେଲାଣି। ପ୍ରଚଣ୍ଡ ଶବ୍ଦରେ ଶିଶୁମାନେ ଆତଙ୍କିତ ହୋଇ ପଡ଼ୁଛନ୍ତି। ଏଥି ସହିତ ବିସ୍ଫୋରଣର ଧୂଆଁ, ବାରୁଦ ଗନ୍ଧ, କ୍ରସରର ପଥର ଗୁଣ୍ଡ ଓ ହାଇୱା ଯାତାୟତରେ ଉଡୁଥିବା ଧୁଳି ଯୋଗୁଁ ଅଣନିଶ୍ବାସୀ ହୋଇ ପଡ଼ୁଛନ୍ତି। ମୁଖ୍ୟତଃ ବୟସ୍କ ଓ ରୋଗୀ ବିଭିନ୍ନ ରୋଗରେ ପଡୁଥିବା ଦେଖାଯାଉଛି। ଏ ନେଇ ମାର୍ଚ୍ଚ ୨୦ ତାରିଖରେ ବଢ଼ିଗାଁରେ ହୋଇଥିବା ଜିଲା ପ୍ରଶାସନର ଜନ ଶୁଣାଣି ଶିବିରରେ ଅଭିଯୋଗ କରିଥିଲେ। ଜୁନ ୭ ତାରିଖରେ ମଧ୍ୟ ଜିଲାପାଳଙ୍କୁ ଲିଖିତ ଭାବରେ ଜଣାଇଥିଲେ। ହେଲେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଗଲା ନାହିଁ। ଫଳରେ ଗୁରୁବାର ପୁନର୍ବାର ଜିଲ୍ଲାପାଳଙ୍କୁ ଲିଖିତ ଭାବରେ ଜଣାଇଛନ୍ତି।
Comments are closed.