ଫୁଲବାଣୀ : କନ୍ଧମାଳ ଜିଲା ଖଜୁରିପଡା ଥାନା ଅନ୍ତର୍ଗତ ବେଡାଙ୍ଗପାଜୁ ଗ୍ରାମର ଜାମୁସାହିର ପ୍ରଶାନ୍ତ ବେହେରା କୌଣସି ଏକ କାମରେ ଫୁଲବାଣୀ ଆସିଥିଲେ। ଫୁଲବାଣୀରେ କାମ ସାରି ନିଜ ଗ୍ରାମକୁ ଏକ ମୋଟର ସାଇକେଲ ଯୋଗେ ଜାମୁସାହିକୁ ଫେରିବା ସମୟରେ ବିଦ୍ୟୁତ ବିଭାଗ ସବ ଡିଭିଜନ କାର୍ଯ୍ୟାଳୟ ସମ୍ମୁଖରେ ଏକ ଗାଈକୁ ଧକ୍କା ଦେଇଥିଲା ଯାହା ଫଳରେ ସେ ରାସ୍ତାରେ ଭାରସାମ୍ୟ ହରାଇ ପଡିଯାଇଥିଲେ। ଫୁଲବାଣୀ ଅଗ୍ନିଶମ ବାହିନୀ ଖବର ପାଇ ଘଟଣା ସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ପ୍ରଶାନ୍ତକୁ ଉଦ୍ଧାର କରିଥିଲେ। ଏହାପରେ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରିଥିଲେ। ଏହି ଉଦ୍ଧାର କାର୍ଯ୍ୟରେ ଫୁଲବାଣୀ ଅଗ୍ନିଶମ ବିଭାଗ ର ହାବିଲଦାର ରାଜୀବ ସାହୁ, ଚିତ ଗୌଡ଼, ଅନୀଲ କହଁର, ମୁରଲୀ ନାୟକ ଓ ତପନ ପରିଡା ଉପସ୍ଥିତ ଥିଲେ।
Comments are closed.