ଫୁଲବାଣୀ : ଜିଲା ଲେଖକ ସାମୁଖ୍ୟ ସଭାଗୃହ ପରିସରରେ ସଭାପତି ରବୀନ୍ଦ୍ର ନାଥ ମିଶ୍ରଙ୍କ ପୌରହିତ୍ୟରେ ମାସାନ୍ତ ରବିବାସରୀୟ ସୃଜନ ସାହିତ୍ୟ ସନ୍ଧ୍ୟା ଓ କବିତା ପାଠୋତ୍ସବ ଅନୁଷ୍ଠିତ ହୋଇଯାଇଛି । ପ୍ରତ୍ୟେକ ମାସର ଶେଷ ରବିବାର ଏହା ଆୟୋଜିତ ହୋଇଥାଏ। ଏହା ଦ୍ବାରା ନୂତନ କବି ଓ କବୟିତ୍ରୀ ସ୍ୱଲିଖିତ କବିତା ପାଠ କରିବା ସୁଯୋଗ ପାଇବା ସହ ସେମାନଙ୍କ ସୃଜନ ଶକ୍ତିର ବିକାଶ ହୋଇ ପାରୁଛି । ସାଧାରଣ ସମ୍ପାଦକ ବନ ବିହାରୀ ନନ୍ଦ ପ୍ରାରମ୍ଭିକ ସୂଚନା ଦେବା ସହ କାର୍ଯ୍ୟକ୍ରମର ଉଦେଶ୍ୟ ବିଷୟରେ ସମସ୍ତଙ୍କୁ ଅବଗତ କରିଥିଲେ । ଯୁବ କବି ଅନୀଲ କୁମାର ପ୍ରଧାନଙ୍କ ରଚିତ ପୁସ୍ତକ ବଜ୍ରଆଶା ଉନ୍ମୋଚିତ ହେବା ସହ ଲୋକାର୍ପିତ ହୋଇଥିଲା । ବର୍ଷିୟାନ କବି ନବୀନ କିଶୋର ପଣ୍ଡା, ଦୁର୍ଯ୍ୟୋଧନ ପ୍ରଧାନ, ପ୍ରସନ୍ନ ପଣ୍ଡା ପୁସ୍ତକଟିର ସମୀକ୍ଷା କରିଥିଲେ । ପ୍ରସନ୍ନ ପଣ୍ଡାଙ୍କ ସଂଯୋଜନାରେ ଲେଖକ ସାମୁଖ୍ୟର କବି ଓ କବୟିତ୍ରୀ ସ୍ୱଲିଖିତ କବିତା ପାଠ କରିଥିଲେ । ସଙ୍ଗଠନ ସମ୍ପାଦକ ପ୍ରସନ୍ନ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।
Comments are closed.