ତୁଳସୀକୁ ଭାରତୀୟ ପରମ୍ପରା ଅନୁଯାୟୀ ପୂଜା କରାଯାଇଥାଏ। ଏହାକୁ ଆୟୁର୍ବେଦ ଚିକିତ୍ସାରେ ଔଷଧ ରୂପେ ବ୍ୟବହାର କରାଯାଇଥାଏ। ତୁଳସୀକୁ ଔଷଧ ରୂପେ ବ୍ୟବହାର କରିବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ତୁଳସୀ ପତ୍ର ଖାଇବା ଦ୍ବାରା ମୁଣ୍ଡ, କାନ, ପାଟି ଓ ପେଟ ସମସ୍ୟା ଦୂର ହୋଇଥାଏ।
ଆସନ୍ତୁ ଜାଣିବା ତୁଳସୀ ପତ୍ର ଖାଇବା ଦ୍ବାରା ଶରୀରକୁ କ’ଣ ଲାଭ ହୋଇଥାଏ ..
ପାଟି ସମ୍ବନ୍ଧୀୟ ସମସ୍ୟା :
ଦାନ୍ତ ଦରଜ ହେଉଥିଲେ ଗୋଲମରିଚ ସହ ତୁଳସୀ ପତ୍ରକୁ ପେଷ୍ଟ କରି ଦିଅନ୍ତୁ। ତାପରେ ସେହି ପେଷ୍ଟକୁ ଛୋଟ ଗୋଲି ପରି କରି ଦାନ୍ତ ମୂଳରେ ରଖନ୍ତୁ। ଏପରି କରିବା ଦ୍ବାରା ଦାନ୍ତ ଦରଜ ଭଲ ହୋଇଥାଏ।
ଉଷୁମ ପାଣିରେ ତୁଳସୀ ପତ୍ରର ରସ ମିଶାଇ ପିଇବା ଦ୍ବାରା ତଣ୍ଟି ଦରଜ ଭଲ ହୋଇଥାଏ।
ପେଟ ଜନିତ ସମସ୍ୟା :
ଯଦି ଆପଣଙ୍କୁ ବାନ୍ତି ହେଉଥାଏ ତେବେ ୧୦ମିଲି ତୁଳସୀ ରସ ସହ ୧୦ମିଲି ଅଦା ରସ ଓ ୫୦୦ମିଲିଗ୍ରାମର ଗୁଜୁରାତି ଗୁଣ୍ଡ ମିଶାନ୍ତୁ। ତାହାକୁ ସେବନ କରିବା ଦ୍ବାରା ବାନ୍ତି ଭଲ ହୋଇଯାଏ। ତୁଳସୀ ରସ ଦିନକୁ ୪ଥର ପିଇବା ଦ୍ବାରା ଭୋକ ବଢିଥାଏ।
କଳା ଲୁଣ ସହ ତୁଳସୀ ପତ୍ର ପେଷି କରି ଦିନକୁ ୩ଥର ପିଇବା ଦ୍ବାରା ପେଟ ଦରଜ କମିଥାଏ।
କାନର ସମସ୍ୟା :
ତୁଳସୀ ପତ୍ରକୁ ହାଲକା ଗରମ କରନ୍ତୁ। ତାପରେ ସେହି ପତ୍ରକୁ ହାତରେ ଦଳି ଦିଅନ୍ତୁ। ତା ରସକୁ ଦୁଇ ବୁନ୍ଦା କାନରେ ପକାନ୍ତୁ। ଏପରି କରିବା ଦ୍ବାରା କାନ ବିନ୍ଧା ଭଲ ହୋଇ ଯାଇଥାଏ।
ସ୍ମରଣ ଶକ୍ତି ବୃଦ୍ଧି :
ପାଣିରେ ୫ଟି ତୁଳସୀ ପତ୍ର ପକାଇ ପ୍ରତିଦିନ ପିଇବା ଦ୍ବାରା ସ୍ମରଣ ଶକ୍ତି ବୃଦ୍ଧି ପାଇଥାଏ। ତୁଳସୀ ତେଲକୁ ଗୋଟିଏ ବୁନ୍ଦା ନାକରେ ପକାଇବା ଦ୍ବାରା ମୁଣ୍ଡ ବିନ୍ଧା ଭଲ ହୋଇଥାଏ। ତୁଳସୀ ତେଲକୁ ମୁହଁରେ ଲଗାଇବା ଦ୍ବାରା ଚମକ ବଢିଥାଏ।
