ଚୌଦ୍ୱାର : ଓଟିଏମ୍ ପ୍ରିମିୟର ଲିଗ୍ ଫ୍ଲଡ଼ ଲାଇଟ କ୍ରିକେଟ ଟୁର୍ଣ୍ଣମେଣ୍ଟର ଜର୍ସି ଉନ୍ମୋଚନ ଓ ଖେଳାଳୀ ଚୟନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଆସନ୍ତା ୧୮ ତାରିଖରୁ ୨୧ ତାରିଖ ପର୍ଯ୍ୟନ୍ତ ୪ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣମେଣ୍ଟରେ ପୌରାଞ୍ଚଳ ୫ଟି ୱାର୍ଡ଼ର ଯୁବ ଖେଳାଳୀ ମାନେ ଅଂଶ ଗ୍ରହଣ କରିବେ। ପ୍ରିମିୟର ଲିଗ୍ ସଭାପତି ସୁବ୍ରତ ସାମଲଙ୍କ ପୌରୋହିତ୍ୟରେ ଗାନ୍ଧୀଛକସ୍ଥିତ ପୌର ଟାଉନ୍ ହଲରେ କର୍ପୋରେଟର ନାଗେଶ୍ୱର ବେହେରା, ପୌର ଉପାଧ୍ୟକ୍ଷ ଶୁଭେନ୍ଦୁ ସାମଲ, ଜ୍ଞାନ ରଞ୍ଜନ ନାୟକ, ବିଶ୍ୱଜିତ ମହାନ୍ତି ପ୍ରମୁଖ ଅତିଥି ଭାବେ ଯୋଗଦେଇ ଟୁର୍ଣ୍ଣମେଣ୍ଟରେ ଅଂଶ ଗ୍ରହଣ କରୁଥିବା ୮ଟି ଦଳ ପାଇଁ ଭିନ୍ନ ଭିନ୍ନ ଜର୍ସି ଉନ୍ମୋଚନ କରିଥିଲେ। ଏଥିରେ ଅଂଶ ଗ୍ରହଣ କରୁଥିବା ଟିମ୍ ଗୁଡ଼ିକର ନାମ କରଣ କରାଯାଇଥିଲା । ସେଗୁଡ଼ିକ ହେଲା ଅର୍ଜୁନ୍ ଆର୍ମି, ଲିଟୁ ଲାୟନ୍ସ, ପାତ୍ର ପାୱାର, ଟୁକୁନା ଡିଜେ ଟାଇଗର, କାହ୍ନୁ କିଂଙ୍ଗସ୍, ସାରଦା ସୁପର ଷ୍ଟାର, ଅମିତ୍ ଆମ୍ବିସନ୍ ଓ ବିଭୁ ବ୍ଲାଷ୍ଟର । ଅର୍ଜୁନ ପଣ୍ଡା, ସମ୍ବିତ୍ ପ୍ରସନ୍ନ ନାୟକ, ସଂଜୟ ପାତ୍ର, ବିଶ୍ୱ ରଞ୍ଜନ ନାୟକ, ଟୁକୁନା ସାହୁ, ସାରଦା ରଞ୍ଜନ ପରିଜା, ଅମିତ ବେଉରା, ବିଭୁ ପ୍ରସାଦ ବାରିକ ପ୍ରମୁଖ ଉତ୍ସବରେ ଅତିଥି ଭାବେ ଯୋଗ ଦେଇଥିଲେ। ଉପଦେଷ୍ଟା ବିଶ୍ୱଜିତ ଭଞ୍ଜ, ଅଶୋକ ଦାସ, ବିଜୟ କୁମାର ଦାସଙ୍କ ସମେତ ସଂଗଠନର ସମସ୍ତ ସଦସ୍ୟ କାର୍ଯ୍ୟକ୍ରମ ପରିଚାଳନା କରିଥିଲେ । ବିଭୁତି ଭୂଷଣ ବଡ଼ୁ ଧନ୍ୟବାଦ ଅର୍ପଣ କରିଥିଲେ ।
Comments are closed.