ନୂଆଦିଲ୍ଲୀ: ମଙ୍ଗଳବାର ସକାଳୁ ଗାଜିୟାବାଦର ଏକ ପ୍ଲାଷ୍ଟିକ ଗୋଦାମରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ଗୋଦାମରେ ଥିବା ସମସ୍ତ ଜିନଷ ପତ୍ର ପୋଡି ଜଳି ପାଉଁଶ ହୋଇଯାଇଛି । ଅଗ୍ନିଶମ କର୍ମଚାରୀ ପହଞ୍ଚି ବହୁ ସମୟ ଧରି ସଂଘର୍ଷ କରିବା ପରେ ନିଆଁକୁ ଆୟତ କରିବାରେ ସଫଳ ହୋଇଛନ୍ତି । ଅଗ୍ନିକାଣ୍ଡ ଘଟିଥିବା ଗୋଦାମର ଅତି ନିକଟରେ ଏକ ପ୍ଲାଷ୍ଟିକ କାରଖାନା ଥିବାରୁ ନିଆଁ ଭୟଙ୍କର ରୂପ ନେଇଥିଲା । ଏଥିରେ କେହି ମୃତାହତ ହୋଇଥିବା ନେଇ ସୂଚନା ମିଳିନାହିଁ । ହେଲେ ଅଗ୍ନିକାଣ୍ଡ ଯୋଗୁଁ ଆଖପାଖରେ ରହୁଥିବା ଲୋକେ ପ୍ରଭାବିତ ହୋଇଛନ୍ତି । ତେବେ ଏପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଜଣାପଡିନାହିଁ ।
- Advertisement -
ସେହିପରି ମଥୁରାରେ ଏକ ଟ୍ରକରେ ନିଆଁ ଲାଗିଥିବା ସୂଚନା ମିଳିଛି । ସ୍ଥାନୀୟଲୋକେ ନିଆଁ ଲିଭାଇବାକୁ ଚେଷ୍ଟା କରିବା ପରିବର୍ତ୍ତେ ଏହାର ଭିଡିଓ ରେକର୍ଡିଂ କରିଥିଲେ । ଚାହୁଁ ଚହୁଁ ଟ୍ରକଟି ସମ୍ପୂର୍ଣ୍ଣ ଭାବେ ଜଳି ଯାଇଥିଲା। ହେଲେ କେହି ଅଗ୍ନିଶମ ବିଭାଗକୁ ଖବର କରିନଥିଲେ ।
