ନୂଆଦିଲ୍ଲୀ : ବସ୍ ଚଳାଉଥିବା ବେଳେ ବିଚ୍ ରାସ୍ତାରେ ଚାଳକ ହୃଦଘାତରେ ପ୍ରାଣ ହରାଇଛନ୍ତି । ଏଭଳି ଏକ ଦୁଃଖଦ ଘଟଣା ବେଙ୍ଗାଲୁରୁରେ ଘଟିଛି । ବିଏମଟିସିର ଚାଳକ ୪୦ ବର୍ଷୀୟ କିରଣ କୁମାର ନେଲାମଙ୍ଗଳାରୁ ଦାସନପୁରା ଅଭିମୁଖେ ଯାତ୍ରୀଙ୍କୁ ନେଇ ଯାଉଥିଲେ । ରାସ୍ତା ମଝିରେ ହଠାତ୍ ତାଙ୍କର ହୃଦଘାତ ହେବାରୁ ସେ ଛାତିରେ ଯନ୍ତ୍ରଣା ଅନୁଭବ କରି ବସ୍ ସିଟ୍ ଉପରେ ହିଁ ଟଳି ପଡିଥିଲେ । ଏହି ସମ୍ପୂର୍ଣ୍ଣ ଘଟଣା କ୍ୟାମେରାରେ କଏଦ ହୋଇଛି ।
एक और अचानक मौत…
बेंगलुरु में सरकारी बस के ड्राइवर किरण कुमार को बस चलाते वक्त हार्ट अटैक आया और उनकी मौत हो गई।
कंडक्टर ने सूझबूझ से बस पर काबू पाया और लोगों की जान बचाई। #Livedeath #heartattack pic.twitter.com/cdAlH5VhRP
— Vinay Saxena (@vinaysaxenaj) November 7, 2024
ଚାଳକ ସିଟ୍ରୁ ପଡିଯିବା ପରେ ବସ୍ଟି ନିୟନ୍ତ୍ରଣ ହରାଇ ଅନ୍ୟ ଏକ ବସ୍ ସହ ଘଷି ହୋଇ ଯାଇଥିଲା । ମାତ୍ର ସେହି ସମୟରେ ବସ୍ର କଣ୍ଡକ୍ଟର ଉପସ୍ଥିତ ବୁଦ୍ଧି ଖଟାଇ ଚାଳକଙ୍କ ସିଟ୍କୁ ଯାଇ ବସ୍କୁ ନିୟନ୍ତ୍ରଣକୁ ଆଣିବା ସହ ଅଟକାଇଥିଲେ । ଯାଦ୍ୱାରା ବସ୍ରେ ଥିବା ଯାତ୍ରୀମାନେ ଏକ ଭୟଙ୍କର ଦୁର୍ଘଟଣାରୁ ବର୍ତ୍ତି ଯାଇଥିଲେ । ଏହାପରେ ଚାଳକଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣାର ଭିଡିଓ ଦେଖିବା ପରେ ଲୋକେ ଭାବୁକ ହେବା ସହ ଗଭୀର ଦୁଃଖ ପ୍ରକାଶ କରି ଭିନ୍ନ ଭିନ୍ନ ମତ ଦେଇଛନ୍ତି ।
ଜମ୍ମୁ-କାଶ୍ମୀର ବିଧାନସଭାରେ ବିଧାୟକଙ୍କ ମଧ୍ୟରେ ଧକ୍କା ଓ ମୁଥ ମରାମରି
ନୂଆବର୍ଷରୁ ହିତାଧିକାରୀଙ୍କୁ ମିଳିବ ଚାଉଳ ସହ ଗହମ- ଖାଦ୍ୟ ଯୋଗାଣ ମନ୍ତ୍ରୀ
