ଗୋପାଳପୁର : ପୂର୍ତ୍ତବିଭାଗ ପକ୍ଷରୁ କରାପଲ୍ଲୀ -ଜଗନ୍ନାଥପୁର ରାସ୍ତାରେ ଦୁଇ କଡ଼ରେ ଚାଲୁ ରହିଥିବା ନାଳ କାମ ନିମ୍ନ ମାନର କରାଯାଉଥିବା ଅଭିଯୋଗ ନେଇ ଆଜି କରାପଲ୍ଲୀଠାରେ ସ୍ଥାନୀୟ ଅଞ୍ଚଳବାସୀଙ୍କ ପକ୍ଷରୁ ବିରୋଧ କରାଯାଇଥିଲା। ନିୟୋଜିତ ଠିକାଦାର ପକ୍ଷରୁ ନାଳ କାମରେ ନିମ୍ନ ଏବଂ ସ୍ଥିରୀକୃତ ଲୁହା ରଡ଼ ବଦଳରେ କମ ମାନର ଲୁହା ରଡ଼ ବ୍ୟବହାର କରାଯାଇଥିଲା। ଏହାକୁ ନେଇ ବିରୋଧ କରିବା ସହ କାମ ବନ୍ଦ କରାଯାଇଥିଲା । ଖବର ପାଇ ବିଭାଗୀୟ କନିଷ୍ଠ ଯନ୍ତ୍ରୀ ନିବେଦିତା ସେଠୀ ଘଟଣା ସ୍ଥଳରେ ପହଞ୍ଚି ଯାଞ୍ଚ ସମୟରେ ୧୨ ଏମଏମ ଲୁହାଛଡ଼ ବଦଳରେ ଠିକାଦାର ପକ୍ଷରୁ ୧୦ ଏମଏମ ଲୁହାଛଡ଼ ବ୍ୟବହାର କରାଯାଇଥିବା ଦେଖିବାକୁ ପାଇଥିଲେ। ପ୍ରଥମେ ଯନ୍ତ୍ରୀଙ୍କ ପକ୍ଷରୁ ଏହାକୁ ଚଳାଇ ଦେବାକୁ ବିରୋଧ କରୁଥିବା ଲୋକଙ୍କୁ କହିବାରୁ କିଛି ସମୟ ପାଇଁ ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା। ଶେଷରେ ଯନ୍ତ୍ରୀଙ୍କ ପକ୍ଷରୁ କାମ ବନ୍ଦ କରିବା ସହ ନିର୍ଦ୍ଧାରିତ ଗେଜର ଲୁହାଛଡ଼ ବ୍ୟବହାର କରିବାକୁ ଠିକାଦାରକୁ ତାଗିଦ କରିବା ସହ କାମ କରିବାକୁ ନିର୍ଦ୍ଦେଶ ଦେବା ପରେ ଅଞ୍ଚଳବାସୀ ସେଠାରୁ ହଟିଥିଲେ।
Comments are closed.