ଫୁଲବାଣୀ:ଓଡ଼ିଶା ଅବସରପ୍ରାପ୍ତ କର୍ମଚାରୀ ମଞ୍ଚର କନ୍ଧମାଳ ଜିଲା ଶାଖା ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଆଠ ଦଫା ସମ୍ବଳିତ ଏକ ଦାବିପତ୍ର ଆଜି ଜିଲାପାଳଙ୍କ ଜରିଆରେ ପ୍ରଦାନ କରିଛନ୍ତି। କର୍ମଚାରୀ ମଞ୍ଚର ଆବାହକ ବ୍ରଜ କିଶୋର ପଟନାୟକଙ୍କ ନେତୃତ୍ୱରେ ମଞ୍ଚର ବହୁ କର୍ମକର୍ତ୍ତା ଓ ସଦସ୍ୟ ଏକ ଶୋଭାଯାତ୍ରାର ଆସି ଏହି ଦାବିପତ୍ର ପ୍ରଦାନ କରିଛନ୍ତି।
ଦାବି ପ୍ରକାରେ, ଅବସରପ୍ରାପ୍ତ କର୍ମଚାରୀମାନଙ୍କୁ ଚିକିତ୍ସା ଭତ୍ତା ସମୟାନୁପଯୋଗେ ପ୍ରଦାନ କରିବା, କୋଭିଡ଼୍ ସମୟରେ ବନ୍ଦ କରାଯାଇଥିବା ୧୮ ମାସର ମହଙ୍ଗାଭତ୍ତା ତୁରନ୍ତ ପ୍ରଦାନ କରିବା, ପେନସନ୍ ଧାରୀ ଓ ବରିଷ୍ଠ ନାଗରିକମାନଙ୍କୁ ବସ୍ ଯାତ୍ରା ସମୟରେ ରିହାତି ମୂଲ୍ୟରେ ଯାତ୍ରାର ସୁବିଧା ପ୍ରଦାନ, ଫୁଲବାଣୀ ଠାରୁ ପୁରୀକୁ ସିଧା ବସ୍ ଚଳନ ସୁବିଧା, ପଡ଼ୋଶୀ ରାଜ୍ୟ ରାୟପୁର, କୋଲକତା, ଟାଟା ଓ ବିଶାଖାପାଟଣାକୁ ବସ୍ ସେବା ଯୋଗାଇ ଦେବା ଭଳି ଦାବିକରି ଏହି ଦାବିପତ୍ର ପ୍ରଦାନ କରିଛନ୍ତି।
ଅନ୍ୟମାନଙ୍କ ମଧ୍ୟରେ ଅବସରପ୍ରାପ୍ତ କର୍ମଚାରୀ ନେତା ରାଜ କିଶୋର ସାହୁ , ହେମନ୍ତ ମହାନ୍ତି , ନବିନ କିଶୋର ପଣ୍ଡା , ରାଜ କିଶୋର ପାଢୀ ନବ କିଶୋର ରଥ ,କରୁଣାକର ସାହୁ ବିକାଶ ମହାନ୍ତି , ପିତାମ୍ବର ମିଶ୍ର ଓ ଅନ୍ୟମାନେ ଏହାର ନେତୃତ୍ୱ ନେଇଥିଲେ।
