ଗୋପାଳପୁର : କରାପଲ୍ଲୀ-ରଙ୍ଗେଇଲୁଣ୍ଡା ମୁଖ୍ୟ ରାସ୍ତା କଡରେ ଦୀର୍ଘ ବର୍ଷ ହେଲା ରହିଥିବା ନିମ ଗଛକୁ ନାଳ କାମ କରୁଥିବା ଠିକାଦାର ପକ୍ଷରୁ ବିନା କୌଣସି ଆଦେଶରେ ଉପୁଡା ଯାଇଥିବାକୁ ଆଜି ବିରୋଧ କରାଯିବା ସହ ପୁନଃ ପ୍ରତିରୋପଣ କରାଯାଇଥିଲା। ପୂର୍ତ୍ତବିଭାଗ ପକ୍ଷରୁ କରାପଲ୍ଲୀ -ଜଗନ୍ନାଥପୁର ରାସ୍ତାରେ ଦୁଇ କଡ଼ରେ ନାଳ କାମ ଚାଲୁ ରହିଛି। ଗତ ମଙ୍ଗଳବାର ଅପରାହ୍ନରେ ଠିକାଦାର ପକ୍ଷରୁ ନାଳ ପାଇଁ ଖୋଳିବା ସମୟରେ ନାଳ ରାସ୍ତାରେ ଥିବା ୫୦ ବର୍ଷ ପୁରୁଣା ନିମ ଗଛକୁ ଉପୁଡ଼ାଯାଇଥିଲା। ଯାହାକୁ ନେଇ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଦେଖା ଦେଇଥିଲା। ଆଜି ଅଞ୍ଚଳର କିଛି ଯୁବକ ଉକ୍ତ ସ୍ଥାନରେ ପହଞ୍ଚି ହୋହାଲ୍ଲା କରିବା ସହ ଘଟଣା ନେଇ ଗୋପାଳପୁର ବିଧାୟକ ତଥା ରାଜ୍ୟ ଖଣି ଇସ୍ପାତ ଓ ପରିବହନ ମନ୍ତ୍ରୀ ବିଭୂତି ଭୂଷଣ ଜେନାଙ୍କୁ ଅବଗତ କରାଇବା ସହ ପୁନଃ ନିମଗଛକୁ ପ୍ରତିରୋପଣ କରାଇବାକୁ ଦାବି ଜଣାଇଥିଲେ। ଖବର ପାଇ ପୂର୍ତ୍ତବିଭାଗ କନିଷ୍ଠ ଯନ୍ତ୍ରୀ ନିବେଦିତା ସେଠୀ ଘଟଣାସ୍ଥଳରେ ପହଞ୍ଚି ଯୁବକଙ୍କ ସହ ଆଲୋଚନା କରିଥିଲେ। ଯୁବକମାନେ ପକ୍ଷରୁ ନିମ ଗଛକୁ ପୁନଃ ରୋପଣ କରିବାକୁ ଦାବି ଜଣାଇଥିଲେ। ଶେଷରେ ଠିକାଦାର ପକ୍ଷରୁ ସମସ୍ତ ବ୍ୟବସ୍ଥା କରାଯାଇ ଉପୁଡା ଯାଇଥିବା ସ୍ଥାନରେ ନିମଗଛକୁ ପୁନଃ ରୋପଣ କରାଯାଇଥିଲା। ଯାହାକୁ ନେଇ ସ୍ଥାନୀୟ ଅଞ୍ଚଳବାସୀଙ୍କ ମନରେ ଖୁସିର ଲହରୀ ଖେଳିଯାଇଥିଲା।
Popular Categories
Previous article
Next article