ସମ୍ବଲପୁର: ଦାଦନ ଖଟିବାକୁ ଯାଇ ଆନ୍ଧ୍ରପ୍ରଦେଶର ବିଜୟୱାଡା ଅଞ୍ଚଳରେ ରହିଥିବା ଏକ ଇଟା ଭାଟିରେ ଫଶି ରହିଥିବା ଦାଦନ ଶ୍ରମିକ ମାନଙ୍କୁ ଉଦ୍ଧାର କରିବାକୁ ସମ୍ପର୍କିୟ ମାନେ ଜିଲା ପୁଲିସ ଆରକ୍ଷୀ ଅଧିକ୍ଷକଙ୍କ ନିକଟରେ ଦାବି କରିଛନ୍ତି। ଏସପିଙ୍କ ନିକଟରେ ଦିଆଯାଇଥିବା ଅଭିଯୋଗ ପତ୍ର ଅନୁଯାୟୀ, ସମ୍ବଲପୁର ଜିଲା ଧମା ଥାନା ଅନ୍ତର୍ଗତ ଗଏନପୁର ଓ ପାଟପାଲି ଅଞ୍ଚଳର ୧୩ ଜଣ ବ୍ୟକ୍ତି ପ୍ରାୟ ୨ ମାସ ତଳେ ବଲାଙ୍ଗୀର ଜିଲାର କିଛି ଦଲାଲ ମାନଙ୍କ ସହିତ ବିଜୟୱାଡା ଅଞ୍ଚଳକୁ କାମ କରିବାକୁ ଯାଇ ଏକ ଇଟା ଭାଟିରେ ଫଶି ରହିଛନ୍ତି। ସେଠାରେ ଇଟା ଭାଟିର ଠିକାଦାର ଦାଦନ ରୂପେ ଖଟାଉ ଥିବା ବେଳେ ପାରିଶ୍ରମିକ ରୂପେ କିଛି ଦେଉ ନାହିଁ। ଏପରିକି ଭଲ ଭାବରେ ଖାଦ୍ୟପେୟ ଦିଆଯାଉ ନ ଥିବା ବେଳେ ସେମାନଙ୍କୁ ଶାରିରୀକ ଓ ମାନସିକ ନିର୍ଯ୍ୟାତନା ଦିଆଯାଉଛି। ଏଣୁ ଫଶି ରହିଥିବା ୧୩ ଜଣ ଶ୍ରମିକଙ୍କୁ ଉଦ୍ଧାର କରିବାକୁ ଦାବି କରାଯାଇଛି। ପ୍ରଦତ୍ତ ଦାବିପତ୍ରରରେ ସୈରେନ୍ଦ୍ରୀ ବାଦି, ବାସନ୍ତି ମାଝୀ, ରତନି, ନାରାୟଣ ମାଝୀ, ସୁମନ୍ତ ତାଣ୍ଟିଆ ଙ୍କ ସମେତ ଅନ୍ୟ ମାନଙ୍କର ଦସ୍ତଖତ ରହିଛି।
Popular Categories
Previous article
Next article