ସୁନ୍ଦରଗଡ : ଝିଅ ଆଗରେ ଚାଲିଗଲା ବାପାର ଜୀବନ। ବାଇକରେ ଯାଉଥିବା ବେଳେ ଚଢିଗଲା ଟ୍ରେଲର। ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଗୁରୁବାର ସୁନ୍ଦରଗଡ ଟାଉନ ଥାନା ନିକଟରେ ଘଟିଛି । ବାଇକ୍ରେ ସ୍ୱାମୀ-ସ୍ତ୍ରୀ ଓ ଝିଅ ଯାଉଥିବା ବେଳେ ପାରିଜାତ ପାର୍କ ନିକଟ ଛକରେ ବାଇକ୍କୁ ଟ୍ରେଲର ଧକ୍କା ଦେଇଥିଲା । ଝିଅକୁ ସ୍କୁଲ ଛାଡିବାକୁ ଯାଉଥିବା ବେଳେ ଏହି ଅଘଟଣ ଘଟିଛି । ସ୍ତ୍ରୀ ଓ ଝିଅ ଆଗରେ ଘଟଣାସ୍ଥଳରେ ବାପାର ମୃତ୍ୟୁ ହୋଇଛି । ମାଆ ଓ ଝିଅ ଆହତ ହୋଇଛନ୍ତି । ଦୁର୍ଘଟଣା ପରେ ଟ୍ରେଲର ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ସ୍ଥାନୀୟ ଅଞ୍ଚଳରେ ଲୋକେ ଉତ୍ତେଜନା ସୃଷ୍ଟି କରିଛନ୍ତି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
Comments are closed.