ତିଗିରିଆ : ତିଗିରିଆ ବ୍ଳକ ଅନ୍ତର୍ଗତ ବଡ଼ନାଉପୁଟ ପଞ୍ଚାୟତର ପ୍ରଥମ ମହିଳା ସରପଞ୍ଚ ଶଶୀପ୍ରଭା ପଣ୍ଡା ( ୯୦) ଙ୍କର ବୁଧବାର ପରଲୋକ ଘଟିଛି। ସେ ଗତ କିଛି ଦିନ ଧରି ବାର୍ଦ୍ଧକ୍ୟ ଜନିତ ଅସୁସ୍ଥତା ଯୋଗୁଁ ଘରେ ଶଯ୍ୟାଶାୟୀ ଥିଲେ। ତାଙ୍କର ଏହି ପରଲୋକ ଖବରରେ ସ୍ଥାନୀୟ ଅଞ୍ଚଳରେ ଶୋକ ପ୍ରକାଶପାଇଛି। ତାଙ୍କ କାର୍ଯ୍ୟକାଳ ସମୟରେ ପଞ୍ଚାୟତର ବହୁ ଉନ୍ନୟନ ମୂଳକ କାର୍ଯ୍ୟ ହୋଇଥିଲା। ତାଙ୍କ ଶବାଧାର ନିକଟରେ ନିକଟରେ ପୁତ୍ର ପ୍ରସନ୍ନ, ପ୍ରଶାନ୍ତ, ପ୍ରଭାତ, ପ୍ରବୋଧ ଏଵଂ ପ୍ରଦ୍ୟୁମ୍ନଙ୍କ ସମେତ ବୋହୂ ତଥା ଏହି ପଞ୍ଚାୟତର ବର୍ତ୍ତମାନର ସରପଞ୍ଚ ପ୍ରିତିମୟୀ ପଣ୍ଡା ଏବଂ ସମସ୍ତ ବୋହୂ, ନାତି ନାତୁଣୀ ଓ ପରିବାର ବର୍ଗ ଉପସ୍ଥିତ ଥିଲେ। ବ୍ଲକ ଅଧ୍ୟକ୍ଷା ସନ୍ଧ୍ୟାରାଣୀ ନାୟକ, ଉପାଧ୍ୟକ୍ଷ ମାନସ ସାହୁ, ଆତ୍ମା ଅଧ୍ୟକ୍ଷ ହରେନ୍ଦ୍ର ଦଳେଇଙ୍କ ସମେତ ବିଭିନ୍ନ ପଞ୍ଚାୟତର ସରପଞ୍ଚ ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ରହି ଶେଷ ସମ୍ମାନ ଦର୍ଶନ କରିଥିଲେ। ଗ୍ରାମ ଶ୍ମଶାନରେ ଅନ୍ତ୍ୟେଷ୍ଟି କ୍ରିୟା ସମ୍ପାଦନ ହୋଇଥିବା ବେଳେ ପୁଅ ପ୍ରଶାନ୍ତ ପଣ୍ଡା ମୁଖାଗ୍ନି ଦେଇଥିଲେ।
Comments are closed.