ଗୁଣୁପୁର: ପଦ୍ମପୁର ପୁଲିସକୁ ମିଳିଛି ବଡ ସଫଳତା। ପୁଲିସ ପକ୍ଷରୁ ଗୋଟିଏ କଲରା ପତିରିଆ ବାଘର ଚମଡା ସହ ୬୪ କେଜି ୩ଶହ ଗ୍ରାମ ଗଞ୍ଜେଇ ଜବତ କରାଯାଇଛି। ଏହି ମାମଲାରେ ୨ଜଣଙ୍କୁ ପଦ୍ମପୁର ପୁଲିସ ଗିରଫ ପରେ କୋର୍ଟ ଚାଲଣ କରିଛି। ଗିରଫ ଅଭିଯୁକ୍ତ ୨ଜଣ ହେଲେ ସଉଲା ମାଝି ଏବଂ ନଉସାନ ମଲ୍ଲିକ। ଉଭୟଙ୍କ ଘର ଗଜପତି ଜିଲାର ଅଡବା ଥାନାରେ ବୋଲି ଜଣାପଡିଛି।
ସୂଚନା ଅନୁସାରେ ବିଶେଷ ସୁତ୍ରର ଖବର ପାଇ ପଦ୍ମପୁର ଥାନା ଅଧିକାରୀ, କେନ୍ଦୁଗୁଡା ଫାଣ୍ଡି ଅଧିକାରୀଙ୍କ ନେତୃତ୍ବରେ ଏକ ଟିମ ୩୨୬ନମ୍ବର ଜାତୀୟ ରାଜପଥର ନାରାୟଣପୁର ଛକ ନିକଟରେ ପହଞ୍ଚି ଚଢ଼ାଉ କରିଥିଲେ। ଏହି ସମୟରେ ଜରି ଅଖାରେ ୬୪କେଜି୩ଶହ ଗ୍ରାମ ଗଞ୍ଜେଇ ସହ ଅନ୍ୟ ଏକ ଜରିରୁ କଲରାପତରିଆ ବାଘ ଚମଡା ଦେଖି ସଙ୍ଗେ ସଙ୍ଗେ ଥାନାକୁ ଆଣି ଅଧିକ ପଚରାଉଚୁରା କରିଥିଲେ। ପଦ୍ମପୁର ଥାନାରେ କେସ ନମ୍ବର ୫୫/୨୩ରେ ମାମଲା ରୁଜୁ ହୋଇଛିଅଧିକ ତଦନ୍ତ ଜାରି ରହିଛି ବୋଲି ପୁଲିସ ସୂଚନା ଦେଇଛି।
