ଗୁରୁଡିଝାଟିଆ : ଖୁଣ୍ଟୁଣୀ ବନାଞ୍ଚଳ ଅନ୍ତର୍ଗତ ଗୋବରା ପଞ୍ଚାୟତର ରାଜବଲ୍ଲଭପୁର, ଗୁରୁଡିଝାଟିଆ ପଞ୍ଚାୟତର ସାଉରିଆ ଓ ଡେରା ଆଦି ଗାଁରେ ହାତୀ ଉପଦ୍ରବ ବଢିଚାଲିଛି। କପିଳାସ ସଂରକ୍ଷିତ ଜଙ୍ଗଲରୁ ଆସିଥିବା ୧୦ଟିକିଆ ହାତୀଦଳରୁ ଦନ୍ତାହାତୀଟି ଦଳ ଛାଡି ସଞ୍ଜ ହେଲେ ଗାଁ ଭିତରେ ପଶି ଜନାଜାତିଙ୍କ ଚାଳଛପର କାନ୍ଥ ଭାଙ୍ଗି ଚୁନାଧାନ ଖାଇବା ସହ ବାଡିରେ ଲଗାଯାଇଥିବା ପନିପରିବା ଫସଲକୁ ନଷ୍ଟ କରିଦେଇଛି । ସଞ୍ଜହେଲେ ଲୋକମାନେ ନିଜକୁ ନିରାପଦ ମଣୁନାହାନ୍ତି । କେତେବେଳେ ଯେ କାହାର ଜୀବନ ଦୀପ ଲିଭିଯିବ କିଏ ବା କହିବ? ରାଜବଲ୍ଳଭପୁର ଗାଁର ନରେନ୍ଦ୍ର ଦେହୁରୀ, ଚଲକା ତିରିଆ ଓ ସାଉରିଆର ରବିନ୍ଦ୍ର ଦେହୁରୀରଙ୍କ ଚାଳଘର ଭାଙ୍ଗି ଧାନ ଖାଇବା ସହ ବାରିରେ ପଶି ପନିପରିବା ନଷ୍ଟ କରିଛି । ବନବିଭାଗ ପକ୍ଷରୁ ସେମାନଙ୍କୁ କ୍ଷୟକ୍ଷତି ଦେବା ନିମନ୍ତେ ସାଧାରଣରେ ଦାବି ହୋଇଛି। ତୁରନ୍ତ ହାତୀ ଉପଦ୍ରବ ଗାଁମାନଙ୍କରେ ସଚେତନତା କରାଯିବା ସହ ହାତୀ ଘଉଡାଇବା ପାଇଁ ବ୍ୟବସ୍ଥା କରିବା ନିମନ୍ତେ ଗ୍ରାମବାସୀ କହିଛନ୍ତି ।
Comments are closed.