ଚୌଦ୍ୱାର: ଟାଙ୍ଗୀ-ଚୌଦ୍ୱାର ବ୍ଲକ ଅନ୍ତର୍ଗତ ଶଂକରପୁର ଠାରେ ଜୟଦୁର୍ଗା କ୍ଲବ ଆନୁକୁଲ୍ୟରେ ଚାଲିଥିବା ଆନ୍ତଃଜିଲ୍ଲା ବିଜୁ ପଟ୍ଟନାୟକ କପ୍ କ୍ରିକେଟ ଟୁର୍ଣ୍ଣାମେଣ୍ଟ ର ଷଷ୍ଠ ଦିନରେ ବାଲାବାବା କେନ୍ଦ୍ରାପଡ଼ା ଓ ଜଗତସିଂପୁରର ହିନ୍ଦୁସ୍ତାନ ସ୍ପୋର୍ଟିଂ ମଧ୍ୟରେ ଦ୍ୱିତୀୟ ସେମି ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଥିଲା। ସାମାଜିକକର୍ମୀ ନରେନ୍ଦ୍ର କୁମାର ବେହେରା ମ୍ୟାଚ୍କୁ ଉଦ୍ଘାଟନ କରିଥିଲେ। ଏଥିରେ ହିନ୍ଦୁସ୍ତାନ ସ୍ପୋର୍ଟିଂ ବିଜୟ ହାସଲ କରି ଫାଇନାଲକୁ ଉନ୍ନିତ ହୋଇଛି। ହିନ୍ଦୁସ୍ତାନ ପ୍ରଥମେ ବ୍ୟାଟିଂ ଆରମ୍ଭ କରି ନିର୍ଦ୍ଧାରିତ ୩୦ ଓଭରରେ ୧ ଉଇକେଟ ବିନିମୟରେ ୩୭୭ରନ୍ ସଂଗ୍ରହ କରିଥିଲା। ଦଳ ପକ୍ଷରୁ ସତ୍ୟରଞ୍ଜନ ସେନାପତି ସର୍ବାଧିକ ୧୭୧ , ଏସ୍.ଏ.ଖାନ ୧୩୧ ଓ କିଶାନ ରଥ ୬୭ରନ ସଂଗ୍ରହ କରିଥିଲେ। ଜବାବରେ ବାଲାବାବା ୧୬ ଓଭର ଖେଳି ସମସ୍ତ ୱିକେଟ ହରାଇ ମାତ୍ର ୧୨୫ରନ ସଂଗ୍ରହ କରିବାରେ ସକ୍ଷମ ହୋଇଥିଲା। ମ୍ୟାଚକୁ ସୁନୀଲ ଚନ୍ଦ୍ର ରାଉତ, ରଞ୍ଜନ ପରିଡ଼ା, କାହ୍ନୁ ଚରଣ ଓଝା, ଅଭିରାମ ଲେଙ୍କା, ରମେଶ ହାତୀ ପ୍ରମୁଖ ପରିଚାଳନା କରିଥିଲେ। ଶନିବାର ଏକ ମହିଳା ପ୍ରଦର୍ଶନୀ ମ୍ୟାଚ୍ ରାଜଧାନୀର ପ୍ରଜାପତି ଓ କିଟର ଲାଲଗୋଲାପ ମଧ୍ୟରେ ଅନୁଷ୍ଠିତ ହେବା ସହିତ ରବିବାର ଦିନ ଫାଇନାଲ ମ୍ୟାଚ୍ ଅନୁଷ୍ଠିତ ହେବ ବୋଲି କ୍ଲବ କର୍ମକର୍ତ୍ତାଙ୍କ ସୁତ୍ରରୁ ପ୍ରକାଶ।
Popular Categories
Previous article
Next article