କଲ୍ୟାଣସିଂହପୁର : ରାୟଗଡ଼ା ଜିଲା କଲ୍ୟାଣସିଂହପୁର ମୁଖ୍ୟ ବଜାର ସଡକରେ ଭାରସାମ୍ୟ ହରାଇ ବାଇକରୁ ଖସି ପଡି ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ହେଲେ ଅଜୟ ହିକକା ( ୨୦) । ଅଜୟଙ୍କ ଗାଁ କଲ୍ୟାଣସିଂହପୁର ବ୍ଲକ ଧାମୁଣିପଙ୍ଗା ପଞ୍ଚାୟତର ଗୁଣ୍ଡରିଗୁଡା ନିକଟସ୍ଥ ବାଉଗୁଡା । ଘଟଣା ସ୍ଥଳରେ କଲ୍ୟାଣସିଂହପୁର ପୁଲିସ ପହଞ୍ଚି ମୃତଦେହ ଜବତ କରି ତଦନ୍ତ କରୁଛି।
ସୂଚନା ଯୋଗ୍ୟ, କଲ୍ୟାଣସିଂହପୁରରେ ଶିବରାତ୍ରୀ ଯାତ୍ରା ଚାଲୁଥିବାରୁ ଅଜୟ ଯାତ୍ରା ଦେଖି ପାହାନ୍ତିଆ ସମୟରେ ନିଜ ଘରକୁ ଫେରୁଥିବା ବେଳେ ପଥର ଖଣ୍ଡ ଉପରେ ବାଇକଟି ଚଢି ଯାଇଥିବାରୁ ମୁଖ୍ୟ ବଜାର ରାସ୍ତାରେ ଭାରସାମ୍ୟ ହରାଇ ବାଇକରୁ ଖସି ପଡି ଥିଲେ। ଏହାସହ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଏହି ଦୁର୍ଘଟଣାଟି ବଜାରର ଥିବା ମିନା ମେଡିକାଲର ସିସି କ୍ୟାମେରାରେ ଯାଞ୍ଚ କରିବାରୁ ଦୁର୍ଘଟଣାର ଦୃଶ୍ୟ ସାମନାକୁ ଆସିଛି । ମୃତଦେହ ପୁଲିସ ଜବତ କରିବା ପରେ ଓଡିଶା ମୋ ପରିବାର ଆମ୍ବୁଲାନ୍ସରେ ମୃତଦେହ ବ୍ୟବଛେଦ କେନ୍ଦ୍ରକୁ ନେଇ ବ୍ୟବଛେଦ କରି ପରିବାରକୁ ହସ୍ତାନ୍ତର କରାଯାଇଛି। ରାସ୍ତାରେ ପଡି ରହିଥିବା ପଥରଖଣ୍ଡ ଯୋଗୁଁ ଜଣକର ଜୀବନ ଅକାଳରେ ଚାଲିଗଲା ବୋଲି ଅଞ୍ଚଳବାସୀ କହିଛନ୍ତି।
Comments are closed.