ବଡ଼ମ୍ବା : ବଡ଼ମ୍ବାସ୍ଥିତ ବିଚାରାଳୟରେ ଶନିବାର ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଜୁଡିସିଆଲ ମାଜିଷ୍ଟ୍ରେଟ ଶ୍ରୀକାନ୍ତ ପାଢୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଲୋକ ଅଦାଲତରେ ସ୍ଥିରିକୃତ ସମୁଦାୟ ୬୦ଟି ମାମଲାରୁ ୩୦ଟିର ତତ୍କାଳ ବିଚାର ଓ ଫଇସଲା କରାଯାଇଥିବା କୋର୍ଟ ସୂତ୍ରରୁ ପ୍ରକାଶ । ଫଇସଲା ହୋଇଥିବା ମାମଲା ମଧ୍ୟରେ ଗୋଟିଏ ପାରିବାରିକ ବିବାଦ ମାମଲାର ଆପୋଷ ସମାଧାନ ହୋଇଥିବା ବେଳେ ୨୨ଟି ଫୌଜଦାରୀ ଏବଂ ୭ଟି ଦେୱାନୀ(ସିଭିଲ ସୁଟ) କେଶ ରହିଥିବା ପ୍ରକାଶ। ଏହି ସ୍ୱତନ୍ତ୍ର ଅଦାଲତରେ ଓକିଲ ସଂଘର ସଭାପତି ଆଇନଜୀବୀ ସନ୍ତୋଷ କୁମାର ବେହେରା, ସରକାରୀ ଓକିଲ ବିଜୟ କୁମାର ମିଶ୍ର, ତାଲୁକ ଆଇନ ସେବା କମିଟିର ଫଣ୍ଟ ଅଫିସର ଆଇନଜୀବୀ ଦିଲ୍ଲିପ କୁମାର ସାମନ୍ତ, ଆଇନଜୀବୀ ପ୍ରମୋଦ କୁମାର ପୁହାଣ, ଗିରିଜା ପ୍ରସାଦ ମିଶ୍ର ପ୍ରମୁଖ ଅନେକ ଆଇନଜୀବୀ ଉପସ୍ଥିତ ଥିଲେ । ସେହିଭଳି ଦିଲ୍ଲିପ କୁମାର ଧଳ, ଶଙ୍କର ନାରାୟଣ ସାହୁ, ରଣଜିତ ମାଝି, ବିନୟ କୁମାର ପତି, ଅଜିତ କୁମାର ଖଣ୍ଡେଇ ପ୍ରମୁଖ ବିଚାରାଳୟର କର୍ମଚାରୀବୃନ୍ଦ ଅଦାଲତ ପରିଚାଳନାରେ ସହଯୋଗ କରିଥିଲେ ।
Popular Categories
Previous article
Next article