ଧାମନଗର: ଧାମନଗର ଉପନିର୍ବାଚନରେ ବିଜେଡି ବିଜେପି ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି । ପ୍ରତିଟି ପର୍ଯ୍ୟାୟରେ ବିଜେପି ବିଜେଡି ଠାରୁ ଆଗୁଆ ରହୁଥିଲେ ମଧ୍ୟ ଭୋଟ ବ୍ୟବଧାନ ବଢ଼ିବାରେ ଲାଗିଛି । ପ୍ରଥମ ରାଉଣ୍ଡ ଠାରୁ ୭ମ ରାଉଣ୍ଡ ଯାଏଁ ବିଜେପି ପ୍ରାର୍ଥୀ ସୂର୍ଯ୍ୟବଂଶୀ ସୁରଜ ବିଜେଡି ପ୍ରାର୍ଥିନୀ ଅବନ୍ତି ଦାସଙ୍କୁ ପଛରେ ପକାଇ ଅଗ୍ରସର ହେଉଥିବା ଦେଖିବାକୁ ମିଳୁଛି । ଲଗାତର ୬ଟି ରାଉଣ୍ଡରେ ବିଜେପି ଆଗୁଆ ରହିଥିବା ବେଳେ, ପୁଣି ୭ମ ରାଉଣ୍ଡରେ ବିଜେପି ପ୍ରାର୍ଥୀ ଆଗୁଆ ରହିଛନ୍ତି ।
ସପ୍ତମ ରାଉଣ୍ଡରେ ବିଜେପିକୁ ୩୧,୧୦୮ଖଣ୍ଡ ଭୋଟ୍ ମିଳିଛି । ବିଜେଡି ପ୍ରାର୍ଥୀଙ୍କୁ ମଧ୍ୟ ମିଳିଛି ୨୫,୯୦୮ ଖଣ୍ଡ ଭୋଟ୍ । ସେହିପରି ସ୍ୱାଧୀନ ପ୍ରାର୍ଥୀଙ୍କୁ ୪,୯୫୩ ଖଣ୍ଡ ଭୋଟ୍ ମିଳିଛି । କଂଗ୍ରେସ ପ୍ରାର୍ଥୀଙ୍କୁ ମଧ୍ୟ ୧,୧୨୨ଖଣ୍ଡ ଭୋଟ୍ ମିଳିଛି । ୭ମ ରାଉଣ୍ଡ ସୁଦ୍ଧା ୫,୨୦୦ଖଣ୍ଡ ଭୋଟ୍ ଆଗୁଆ ରହିଛି । ସମସ୍ତ ରାଉଣ୍ଡରେ ପ୍ରାୟ ସମାନ ବ୍ୟବଧାନରେ ଧାମନଗରରେ ବିଜେପି ତାର ବିଜୟ ଆଡ଼କୁ ଅଗ୍ରସର ହେଉଛି । ହେଲେ ଆଗକୁ ଆହୁରି ୧୧ଟି ରାଉଣ୍ଡ ଗଣତି ବାକି ରହିଥିବାରୁ ଯେ କୌଣସି ପରିସ୍ଥିତିରେ ବାଜି ପଲଟିବାର ମଧ୍ୟ ଆଶା ରହିଛି ।
Comments are closed.