କଣ୍ଟାବାଞ୍ଜି : କଣ୍ଟାବାଞ୍ଜି ସହର ରୋଡ଼ ନଂ ୩ରେ ଗଦି ତିଆରି ପାଇଁ ଥିବା ଏକ ତୁଳା ଗୋଦାମରେ ନିଆଁ ଲାଗି ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି।
ଗୋଦାମରୁ ଧୂଆଁ ବାହାରିବା ଦେଖି ପାଖ ପଡୋଶୀ ଲୋକେ ଗୋଦାମ ମାଲିକ ବଜରଙ୍ଗ ଲାଲ ଜୈନଙ୍କୁ ଜଣାଇବା ପରେ, ଗୋଦାମ ମାଲିକ ଅଗ୍ନିଶମ ବିଭାଗ ଖବର ଦେଇଥିଲେ। ତୁରନ୍ତ ଅଗ୍ନିଶମ ଦଳ ଘଟଣା ସ୍ଥଳରେ ପହଞ୍ଚିଥିଲେ । ବଙ୍ଗମୁଣ୍ଡା, ବେଲପଡା ଅଗ୍ନିଶମ ଦଳ ସମସ୍ତେ ମିଶି ନିଆଁକୁ ଆୟତ୍ତ କରିଥିଲେ । ପରେ ଜେସିବି ମେସିନ ଡକାଇ, ଗୋଦାମରେ ନିଆଁ ଲାଗିଥିବା ତୁଳା ବାହାର କରାଯାଇଥିଲା। ଘଟଣାସ୍ଥଳରେ କଣ୍ଟାବାଞ୍ଜି ଥାନା ଭାରପ୍ରାପ୍ତ ଅଧିକାରୀ ବାମଦେବ ଶଙ୍ଖୁଆଳଙ୍କ ସହ ପୁଲିସ ଦଳ ଉପସ୍ଥିତ ଥିବା ବେଳେ, ଅଗ୍ନିଶମ ଦଳ ନିଆଁକୁ ଆୟତ୍ତ କରିବା ସହ ଯେପରି ଗୋଦାମରେ ଗଛିତ ତୁଳା ପୋଡି ନ ଯାଏ ସେନେଇ ଉଦ୍ୟମ ଜାରି ରଖିଛନ୍ତି ।
Comments are closed.