ଜଳନ୍ଧର: ଜଳନ୍ଧରର ମହିତପୁରରୁ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଜଣେ ଯୁବକ ତା’ର ଶାଶୁ, ଶ୍ବଶୁର, ପତ୍ନୀ ଏବଂ ଦୁଇ ପିଲାଙ୍କୁ ଜିଅନ୍ତା ଜାଳି ହତ୍ୟା କରିଛି। ସୋମବାର ବିଳମ୍ବିତ ରାତିରେ ଘଟିଛି ଏହି ଘଟଣା। ଏସପି ସର୍ବଜିତ ସିଂହ ବାହିୟା କହିଛନ୍ତି ଯେ, ଅଭିଯୁକ୍ତ ଜ୍ୱାଇଁ ଫେରାର ଅଛି। ଜିଲ୍ଲାର ସବୁ ସ୍ଥାନରେ ନାକାବନ୍ଦୀ କରାଯାଇଛି। ଅଭିଯୁକ୍ତକୁ ଶୀଘ୍ର ଗିରଫ କରାଯିବ।
ମାମଲା ବିଠଲା ଗାଁର। ସୂଚନାନୁସାରେ, ବିଠଲାର ଜଣେ ମହିଳା ଖୁରଶେଦପୁରର ଯୁବକଙ୍କୁ ବିବାହ କରିଥିଲେ। ଦୁହିଁଙ୍କ ମଧ୍ୟରେ କହଳ ଲାଗି ରହିଥିଲା। ଏହି କାରଣରୁ ମହିଳା ଜଣକ ତାଙ୍କ ବାପଘରକୁ ଆସିଥିଲେ। ସୋମବାର ରାତିରେ ତାଙ୍କ ସ୍ୱାମୀ ତାଙ୍କୁ ନେବାକୁ ଆସିଥିଲେ। ତେବେ ପରେ ରାତିରେ ଶୋଇଥିବା ସମୟରେ ସେ ଘର ବାହାରେ ତାଲା ପକାଇ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲା ସ୍ବାମୀ। ଫଳରେ ତାର ପତ୍ନୀ, ଦୁଇ ପିଲା ଏବଂ ଶାଶୁ ଶ୍ବଶୁର ଜୀବନ୍ତ ଦଗ୍ଧ ହୋଇଯାଇଛନ୍ତି।
- Advertisement -
