ପାଟଣା: କେନ୍ଦୁଝର ଜିଲ୍ଲା ୨୦ ନମ୍ବର ଜାତୀୟ ରାଜପଥ ସଦର ଥାନା ଅନ୍ତର୍ଗତ ଗୋପାଳପୁର ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଜଣେ ବାଇକ୍ ଆରୋହୀଙ୍କ ଉପରେ ଏକ ଯାତ୍ରୀବାହୀ ବସ୍ ଚଢିଯିବାରୁ ବାଇକ୍ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ମୃତ ଯୁବକ ସଦର ଥାନା ଡିମ୍ବୋ ପଞ୍ଚାୟତ ପୋଡାଡିହା ଗ୍ରାମର ଦୁର୍ଗା ଚରଣ ମହାନ୍ତଙ୍କ ପୁଅ ଦିଲ୍ଲୀପ ମହାନ୍ତ (୨୮) ବୋଲି ଜଣାପଡିଛି ।
ସୂଚନା ଅନୁଯାୟୀ ଦିଲ୍ଲୀପ ଢେଙ୍କିକୋଟରୁ କେନ୍ଦୁଝର ଅଭିମୁଖେ ଯାଉଥିବା ସମୟରେ ଗୋପାଳପୁର ନିକଟରେ ଭୁବନେଶ୍ୱରରୁ କେନ୍ଦୁଝର ଯାଉଥିବା ନାମକ ଯାତ୍ରୀବାହୀ ବସରେ ପିଟି ହୋଇ ବସ ଚକ ଭିତରେ ପଶି ଯାଇଥିଲେ । ଫଳରେ ବସଟି ଦିଲ୍ଲୀପଙ୍କ ଉପରେ ଚଢ଼ିଯିବାରୁ ତାଙ୍କ ମୃତ୍ୟୁ ହୋଇଛି । ଖବର ପାଇ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ତାଙ୍କୁ ସେଠାରୁ ଉଦ୍ଧାର କରି କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ସଦର ପୁଲିସ ଘଟଣାର ତଦନ୍ତ କରୁଛି ।
Comments are closed.