ରେଙ୍ଗାଲିକ୍ୟାମ୍ପ: ଉତ୍କଳମଣି ଗୋପବନ୍ଧୁଙ୍କ ୧୪୫ ତମ ଜୟନ୍ତୀ ଅବସରରେ ଅତାବିରା ବ୍ଲକ ଟାଙ୍ଗର ପାଲି ଶlନ୍ତିବନ ଗୁରୁକୂଳ ଆଶ୍ରମ ତଥା ପଞ୍ଚାୟତ ଉଚ୍ଚ ବିଦ୍ୟାଳୟ ଟୋପର ବିଜ୍ଞାନ ଶିକ୍ଷୟିତ୍ରୀ ଶ୍ରୀମତୀ ଅନୁସୁୟା ଦେବତା ଚାରାରୋପଣ କରିଛନ୍ତି । ସାମ୍ପ୍ରତିକ ପରିସ୍ଥିତିରେ ସମାଜକୁ ସୁସ୍ଥ ରଖିବା ପାଇଁ ସର୍ବୋତ୍କୃଷ୍ଟ ବ୍ୟବସ୍ଥା ହେଉଛି ଲୋକଙ୍କୁ ସଚେତନ କରିବା ଓ ବୃକ୍ଷ ରୋପଣ କରିବା । କରୋନା ମହାମାରୀ ସମୟରେ ଅନେକ ଲୋକଙ୍କ ଅମୂଲ୍ୟ ଜୀବନ ଅମ୍ଳଜାନ ଅଭାବରୁ ଚାଲିଯାଇଛି । ତେଣୁ ପରିବେଶରେ ଅମ୍ଳଜାନର ପରିମାଣକୁ ବୃଦ୍ଧି କରିବାକୁ ହେଲେ ବୃକ୍ଷ ରୋପଣ ବ୍ୟତୀତ ଅନ୍ୟ କୌଣସି ବିକଳ୍ପ ନାହିଁ ବୋଲି ସେ କହିଛନ୍ତି ।
ଏହା ବ୍ୟତୀତ ଗୋପବନ୍ଧୁଙ୍କ ଆଦର୍ଶ ନୀତି ଓ ନିଃସ୍ଵାର୍ଥପର ମାନବ ସେବାରେ ଅନୁପ୍ରାଣିତ ହୋଇ ନିଜ ଜୀବନରେ ତାର କିଛି ପ୍ରତିଫଳନ ସୃଷ୍ଟି କରିବା ପାଇଁ ସେ ଏହି ବୃକ୍ଷ ରୋପଣ କରିଥିବା କହିଛନ୍ତି । ପ୍ରତି ବର୍ଷ ଏହି ଅବସରରେ ଶିକ୍ଷୟିତ୍ରୀ ଅନୁସୁୟା ବୃକ୍ଷ ରୋପଣ କରିଥାନ୍ତି । ୨୦ ଟି ଅନେକ ପ୍ରକାର ଫୁଲ ଚାରା ସହ କୃଷ୍ଣ ଚୂଡା, ନିମ୍ବ ଆଦି ଚାରା ରୋପଣ କରି ସେ ଜନ ସାଧାରଣଙ୍କୁ ବାର୍ତ୍ତା ଦେଇଛନ୍ତି “ବୃକ୍ଷ ହିଁ ଜୀବନ ” ବୃକ୍ଷ ବତରେ ଅମ୍ଳଜାନ “। ଏହି ଚାରା ରୋପଣ କରିବା ସହ ସେ ଗୋପବନ୍ଧୁଙ୍କ ଏକ ବାଣୀକୁ ଜନମlନସରେ ପ୍ରତିଫଳିତ କରିବାର ପ୍ରୟାସ କରିଛନ୍ତି।
Comments are closed.