କାମାକ୍ଷାନଗର : କାମାକ୍ଷାନଗର ଅଞ୍ଚଳରେ ରବିବାର ସନ୍ଧ୍ୟାରେ ସହର ଠାରୁ ଗ୍ରାମାଞ୍ଚଳ ପର୍ଯ୍ୟନ୍ତ କୁମାର ପୂର୍ଣ୍ଣିମା ଉତ୍ସବ ମହାସମାରୋହରେ ପାଳିତ ହୋଇ ଯାଇଛି। କୁମାର ପୂର୍ଣ୍ଣିମା ଉପଲକ୍ଷେ ଘରେ ଘରେ କୁମାରୀମାନେ ଏହି ଉତ୍ସବ ପାଳନ କରିଛନ୍ତି । ଆଶ୍ୱିନ ମାସ ପ୍ରଥମାର୍ଦ୍ଧରେ କୁମାରୀ ମାନେ ଜହ୍ନି ଓଷା ଆରମ୍ଭ କରି ଆଜି କୁମାର ପୁର୍ଣିମାରେ ଦିନସାରା ଉପବାସ ରହି ସନ୍ଧ୍ୟାରେ ନୂଆବସ୍ତ୍ର ପରିଧାନ କରି ଚଉରା ମୂଳରେ ବିଭିନ୍ନ ପ୍ରକାର ଭୋଗ ଲଗାଇ ପୂଜାର୍ଚ୍ଚନା ଓ ବ୍ରତ ସମାପନ କରିଛନ୍ତି । ଏହି ପର୍ବ ଓଡ଼ିଆ ସଂସ୍କୃତିର ଏକ ପରମ୍ପରା ଭାବେ ପ୍ରତ୍ୟେକ ଘରେ କୁମାରୀମାନେ ଜହ୍ନି ଓଷା ପର୍ବ ପାଳନ କରି କୁମାର ପୂର୍ଣ୍ଣିମାରେ ସମାପନ କରିଥାନ୍ତି । ସହର ଠାରୁ ଗ୍ରାମାଞ୍ଚଳ ପର୍ଯ୍ୟନ୍ତ ଏହି ପର୍ବ ପାଳନ କରୁଥିବାରୁ ଏବେ ଉତ୍ସବ ମୁଖର ହୋଇ ଉଠିଛି।
Comments are closed.