ଗୁରୁଡିଝାଟିଆ: ଶ୍ରୀରାମ ବରିଷ୍ଠ ନାଗରିକ ସଂଘ ନଦୀକୂଳ, କଖଡି ପକ୍ଷରୁ ଆଜି ନବାନ୍ନ ଉତ୍ସବ ଆଜି ଅନୁଷ୍ଠିତ ହୋଇଛି। ନବେଢା ବରିଷ୍ଠ ନାଗରିକ ମଞ୍ଚ, ଗୁରୁଡିଝାଟିଆ, ଆଠଗଡ କାର୍ଯ୍ୟକାରୀ ସଭାପତି ବିମ୍ବାଧର ନାୟକ ମୁଖ୍ୟ ଅତିଥି ଭାବରେ ଯୋଗଦେଇ ପରସ୍ପର ଭିତରେ ଭାତୃତ୍ୱ ଓ ବନ୍ଧୁତ୍ୱ ସୃଷ୍ଟିରେ ନବାନ୍ନ ଏକ ମହାନ ସୁଯୋଗ ପ୍ରଦାନ କରିଛି। ପରସ୍ପର ସୁଖଦୁଃଖରେ ଏକାଠି ହୋଇ ଆମ ଭିତରେ ଥିବା ଅଭିଜ୍ଞତାକୁ ସମାଜ କଲ୍ୟାଣ ଦିଗରେ ବିନିଯୋଗ କରିବା ନିମନ୍ତେ କହିଥିଲେ। ସାମ୍ବାଦିକ ସୁଦ୍ଧିରଞ୍ଜନ ଦାଶ ବରିଷ୍ଠ ନାଗରିକଙ୍କ ସମାଜ ଗଠନ ଦିଗରେ ନିଆଯାଉଥିବା ପଦକ୍ଷେପ ଯୁବ ସମାଜ ପାଇଁ ପ୍ରେରଣାର ଉତ୍ସ ବୋଲି କହିଥିଲେ। ନୂଆଧାନରୁ ପ୍ରସ୍ତୁତ ଚୁଡାକୁ ବିଭିନ୍ନ ବ୍ୟଞ୍ଜନ ପକାଇ ନବାନ୍ନ କରାଯିବା ପରେ ପ୍ରଭୂଙ୍କୁ ଅର୍ପଣ କରାଯାଇଥିଲା। ଏହାପରେ ଶତାଧିକ ସଦସ୍ୟମାନେ ନବାନ୍ନ ଭକ୍ଷଣ କରିଥିଲେ। ଶ୍ରୀରାମ ବରିଷ୍ଠ ନାଗରିକ ସଂଘର ସଭାପତି ଭାଗୀରଥି ସାହୁ, ସଂପାଦକ କିରଣ ବିହାରୀ ଖଟୁଆ, ଚନ୍ଦ୍ରଶେଖର ପରିଡା, ବିଷ୍ଣୁ ଚରଣ ମହାରଣା,ବରିଷ୍ଠ ନାଗରିକ ମଞ୍ଚ,ନବେଢା ଗୁରୁଡିଝାଟିଆ ସଭାପତି ଅଧିକାରୀ ପଣ୍ଡା, ଉପସଭାପତି ବିଷ୍ଣୁ ଚରଣ ପତ୍ରୀ, ରମାକାନ୍ତ ନାୟକ, ଗୌରାଙ୍ଗ ଅମହନ୍ତ, ରାଜକିଶୋର ଖଟୁଆ, ବେଣୁଧର ମହାନ୍ତି, ଶ୍ରୀମନ୍ତ ପ୍ରଧାନ,ଫକୀର ଚରଣ ସୀତାରାମ,ବିଚିତ୍ରାନନ୍ଦ ପ୍ରତିହାରୀ,ବ୍ରହ୍ମାନନ୍ଦ ପଣ୍ଡା ଓ ରତ୍ନାକର ସାମନ୍ତ ଶତାଧିକ ବରିଷ୍ଠ ନାଗରିକ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.