କଲମପୁର – କଲମପୁର ଥୁଆମୁଳ ରାମପୁର ମୁଖ୍ୟରାସ୍ତାର କୁଲେଇଜୋର ନିକଟରେ ବାଇକ ଦୁର୍ଘଟଣା ଗ୍ରସ୍ତ । ଏଥିରେ ଜଣେ ଯୁବକ ଗୁରୁତର ହେଇଛନ୍ତି । ସ୍ଥାନୀୟ ଲୋକଙ୍କ ସୂଚନା ପାଇବା ପରେ ଅଗ୍ନିଶମ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ଗୁରୁତର ଯୁବକଙ୍କୁ ଉଦ୍ଧାର କରି କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି ।
ଥୁଆମୁଳ ରାମପୁର ବ୍ଲକ ଅଧିନସ୍ଥ ବାଗଡିଆଁନି ଗ୍ରାମର ଶଙ୍କର ମାଝୀ ନାମକ ଯୁବକ କୌଣସି କାମରେ ଭବାନୀପାଟଣା ଯାଇ ବାଇକ ନମ୍ବର ଓଡି୦୮ ଏସ ୧୫୮୧ ଯୋଗେ ଫେରୁଥିବା ବେଳେ ବୁଧବାର ସଂଧ୍ୟା ସମୟରେ କଲମପୁର ଥୁଆମୁଳ ରାମପୁର ମୁଖ୍ୟ ରାସ୍ତାର କୁଲେଇଜୋର ବୁଲାଣି ନିକଟରେ ଗାଡିରୁ ଭାରସାମ୍ୟ ହରାଇବାରୁ ରାସ୍ତାକଡରେ ଛଟିକି ପଡିଥିଲେ । ଏ ଦୁର୍ଘଟଣା ସମ୍ପର୍କରେ ଆମ୍ବୁଲେନ୍ସ ସେବା ପାଇଁ ଯୋଗାଯୋଗ କରାଯାଇଥିଲେ ମଧ୍ୟ ଆମ୍ବୁଲେନ୍ସ ସେବା ମିଳିନଥିଲା । ଶେଷରେ ଅଗ୍ନିଶମ ବାହିନୀର ସହାୟତାରେ ଯୁବକଙ୍କୁ ଉଦ୍ଧାର କରି କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି କିନ୍ତୁ ଅବସ୍ଥା ଗୁରୁତର ଥିବାରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯିବା ପାଇଁ ସ୍ୱାସ୍ତ୍ୟ କେନ୍ଦ୍ର ତରଫରୁ ପରାମର୍ଶ ଦିଆଯାଇଛି ।
ସୂଚନାଯୋଗ୍ୟଯେ କଲମପୁର ଥୁଆମୁଳ ରାମପୁର ମୁଖ୍ୟ ରାସ୍ତାର କୁଲେଇଜୋର ଏକ ବିପଦ ସଂକୁଳ ବୁଲାଣି । ଯାହାରି ଫଳରେ ଅନେକ ସମୟରେ ଏହି ବୁଲାଣି ନିକଟରେ ଦୁର୍ଘଟଣା ଘଟୁଛି । ତେଣୁ ଏହି ରାସ୍ତା ନିର୍ମାଣ ଦାୟୀତ୍ୱରେ ଥିବା ପି.ଡବ୍ଲ୍ୟୁ.ଡି ବିଭାଗ ଗୁରୁତ୍ୱ ଦେବା ସହ ସ୍ଥାନୀୟ ପୁଲିସ ଏହାକୁ ବ୍ଲାକ ସ୍ପଟ ଭାବେ ଘୋଷଣା କରିବା ପାଇଁ ସାଧାରଣରେ ଦାବି ହେଉଛି ।
Comments are closed.