ବୌଦ୍ଧ: ବୌଦ୍ଧଜିଲା ବାଉଁଶୁଣୀ ପୁଲିସ ପକ୍ଷରୁ ଜମଘାଟି ନିକଟରେ ଥିବା ଯୋଦ୍ଧା ଢାବା ଉପରେ ଚଢାଉ କରାଯାଇ ବିପୁଳ ପରିମାଣରେ ବିଦେଶୀ ମଦ ଜବତ କରାଯିବା ସହିତ ଜଣକୁ ଗିରଫ କରାଯାଇଥିବା ଜଣାଯାଇଛି। ସୂଚନା ମୁତାବକ ଢାବା ଗୁଡିକରେ ବ୍ୟାପକ ମଦ କାରବାର ନେଇ ଅଭିଯୋଗ ହେଉଥବାବେଳେ ବିଶ୍ୱସ୍ତ ସୁତ୍ରରୁ ସୂଚନା ପାଇଁ ବାଉଁଶୁଣୀ ଥାନା ଏଏସଆଇ ମଧୁସୁଦନ କହଁରଙ୍କ ନେତୃତ୍ୱରେ ଏକ ଟିମ ଜମଘାଟି ଯୋଦ୍ଧା ଢାବା ଉପରେ ଚଢାଉ କରିଥିଲା। ଢାବା ମଧ୍ୟରୁ ପୁଲିସ ୧୧୩ ଲିଟର.୮୫୦ ମିଲି ଲିଟର ବିଦେଶୀ ମଦ ଜବତ କରିବା ସହିତ ମଦ କାରବାର ସହ ସଂପୃକ୍ତ ବରୁଣ ସାହୁଙ୍କୁ ଗିରଫ କରିଥିବା ଜଣାଯାଇଛି। ଜବତ ହୋଇଥିବା ମଦର ଆନୁମାନିକ ମୂଲ୍ୟ ୬୭୨୬୦ ଟଙ୍କା ବୋଲି ପୁଲିସ ପକ୍ଷରୁ ଆକଳନ କରାଯାଇଛି। ବାଉୁଁଶୁଣୀ ଥାନା କେସ ନମ୍ବର ୮୮/୨୨ ରେ ଏକ ମାମଲା ରୁଜୁ କରି ପୋଲିସ ପକ୍ଷରୁ ଘଟଣାର ତଦନ୍ତ ଜାରି ରହିଥିବା ଜଣାଯାଇଛି।
Comments are closed.