ଆଠଗଡ଼: ଆଠଗଡ଼ ବ୍ଲକରେ ୩ୟ ଓ ୫ମ ବୃତ୍ତି ପରୀକ୍ଷା ଗୁରୁବାର ଅନୁଷ୍ଠିତ ହୋଇଥିବା ବେଳେ ଆଠଗଡ଼ ସହରର ୩ଟି ବିଦ୍ୟାଳରେ ମୋଟ ୩୫୮ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବା ଜଣାପଡ଼ିଛି। ରାସରସିକପୁର ଉନ୍ନୀତ ଉପ୍ରା ବିଦ୍ୟାଳୟରେ ତୃତୀୟ ଶ୍ରେଣୀ ବୃତ୍ତି ପରୀକ୍ଷା ପାଇଁ ମନୋନୀତ ୧୮୭ ପରୀକ୍ଷାର୍ଥୀଙ୍କ ମଧ୍ୟରୁ ୩ଜଣ ଅନୁପସ୍ଥିତ ରହିଥିବାରୁ ମୋଟ ୧୮୪ଜଣ ପରୀକ୍ଷା ଦେଇଥିଲେ। ସ୍କୁଲ ପ୍ରଧାନଶିକ୍ଷକ ଦେବରାଜ ନାୟକଙ୍କ ପରିଚାଳନାରେ ଅନୁଷ୍ଠିତ ଏହି ପରୀକ୍ଷା କାର୍ଯ୍ୟ ସଂପାଦନରେ ଶିକ୍ଷକ ଶଶଧର ମହାରଣା ସହଯୋଗ କରିଥିଲେ। ସେହିପରି ବିଶ୍ୱନାଥ ବିଦ୍ୟାପୀଠରେ ୮୯ଜଣ ଓ ସରକାରୀ ବାଳିକା ହାଇସ୍କୁଲରେ ୮୫ଜଣ ପରୀକ୍ଷାର୍ଥୀ ୫ମ ବୃତ୍ତି ପରୀକ୍ଷା ଦେଇଛନ୍ତି। ବିଶ୍ୱନାଥ ବିଦ୍ୟାପୀଠ ପ୍ରଧାନଶିକ୍ଷକ ଅମର ମହାରଣା ଓ ସରକାରୀ ବାଳିକା ହାଇସ୍କୁଲର ପ୍ରଧାନଶିକ୍ଷକ ଶଙ୍କର୍ଷଣ ସାହୁ ଅନ୍ୟ ଶିକ୍ଷକ ଶିକ୍ଷୟିତ୍ରୀଙ୍କ ସହାୟତାରେ ପରୀକ୍ଷା ପରିଚାଳନା କରିଥିଲେ।
Comments are closed.