ସମ୍ବଲପୁର : ସମ୍ବଲପୁରର କଚେରୀ ଛକ ଠାରେ ଏକ ବିରଳ ପ୍ରଜାତିର ‘ବଗ’ କୁ ଉଦ୍ଧାର କରାଯାଇଛି । ପେଶାଦାର ସାମ୍ବାଦିକ (କ୍ୟାମେରାମ୍ୟାନ) ତଥା ଯୁବ ସମାଜସେବୀ ଧର୍ମେନ୍ଦ୍ର ପଟ୍ଟନାୟକ ପ୍ରତି ଦିନ ଭଳି ଖବର ସଂଗ୍ରହ ପାଇଁ ଯାଉଥିବା ବେଳେ କଚେରୀ ଛକ ସ୍ଥିତ ଜିଲା ପୁଲିସ ଆରକ୍ଷୀ ଅଧିକ୍ଷକ ଙ୍କ କାର୍ଯ୍ୟାଳୟ ସମ୍ମୁଖରେ ଥିବା ଏକ ପକ୍ଷୀ ଅସହାୟ ଅବସ୍ଥାରେ ପଡିଥିବାର ଦେଖିଥିଲେ । ଏଣୁ ତୁରନ୍ତ ଉକ୍ତ ପକ୍ଷୀକୁ ଉଦ୍ଧାର କରିଥିବା ବେଳେ ତାହା ଏକ ବିରଳ ପ୍ରଜାତିର ‘ବଗ’ ଶାବକ ଥିବାର ଜଣାପଡିଥିଲା । ଏଣୁ ତୁରନ୍ତ ଉକ୍ତ ବଗ କୁ ଶ୍ରୀ ପଟ୍ଟନାୟକ ପାଣି ଓ କିଛି ଶୁଖିଲା ଖାଦ୍ୟ ପ୍ରଦାନ କରିବା ସହିତ ତାକୁ ମୋତିଝରନ ସ୍ଥିତ ଡିଅର ପାର୍କକୁ ନେଇ ଯାଇଥିଲା । ସେଠରେ ବନ କର୍ମଚାରୀଙ୍କ ସହିତ ଯୋଗାଯୋଗ କରି ଉକ୍ତ ବଗ ଶାବକକୁ ଶ୍ରୀ ପଟ୍ଟନାୟକ ହସ୍ତାନ୍ତରିତ କରିଥିଲେ । ଏବେ ଉକ୍ତ ବିରଳ ବଗ ଶାବକକୁ ଡିଅର ପାର୍କ ଠାରେ ରଖାଯାଇ ବନ ବିଭାଗ ପକ୍ଷରୁ ଉପଯୁକ୍ତ ସେବା ସୁଶୃଷା କରାଯାଉଛି । ଅପରପକ୍ଷରେ ପେଶାରେ ସାମ୍ବାଦିକ ଧର୍ମେନ୍ଦ୍ର ପଟ୍ଟନାୟକ ନିରନ୍ତର ସମାଜସେବା କରି ଆସୁଥିବା ବେଳେ ତାଙ୍କର ଏହି ମାନବୀୟ ସେବାକୁ ସବୁ ମହଲରେ ପ୍ରଶଂସା କରାଯାଉଛି ।
Comments are closed.