ବ୍ରହ୍ମଗିରି: ଆଜି ସନ୍ଧ୍ୟାରେ ଚିଲିକାରେ ଡଙ୍ଗା ବୁଡ଼ିବା ଯୋଗୁଁ ୩ ଜଣ ନିଖୋଜ ହୋଇଥିଲେ। ନିଖୋଜ ଥିବା ଦୁଇ ଜଣଙ୍କ ମୃତ୍ୟୁ ହୋଇଛି ଏବଂ ସେମାନଙ୍କୁ ମୃତ ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରିଥିବା ଜଣାପଡ଼ିଛି। ଅପରପକ୍ଷରେ ନିଖୋଜଙ୍କ ମଧ୍ୟରୁ ଟୁଆ ଗ୍ରାମର ଉଗ୍ରେସନ ଦାସଙ୍କୁ ଗୁରୁତର ଆହତ ଅବସ୍ଥାରେ ଉଦ୍ଧାର କରାଯାଇଛି।
ସୂଚନା ଅନୁଯାୟୀ କୃଷ୍ଣପ୍ରସାଦ ବ୍ଳକ ଗମ୍ଭାରୀ ଗାଁ ନିକଟରୁ ମୋଟ ୧୩ଜଣ ଭୋଜି କରିବାକୁ କାଳିଜାଇ କୁଦାକୁ ଯାଇଥିଲେ। ସେଠାରେ ଭୋଜି ସାରି ଫେରୁଥିବା ବେଳେ ହଠାତ ପବନ ବର୍ଷା ହେବାରୁ ଡଙ୍ଗାଟି ବୁଡିଯାଇଥିଲା। ସେଥିମଧ୍ୟରୁ ୧୦ଜଣଙ୍କୁ ମତ୍ସ୍ୟଜୀବୀମାନେ ଉଦ୍ଧାର କରିଥିଲେ।
Comments are closed.