ଗୁଡଭେଲା: ତୁଷୁରା ଥାନା ଅଞ୍ଚଳରେ କିଛି ଦିନ ହେବ ପିଲାଚୋରଙ୍କ ପ୍ରଦୁର୍ଭାବକୁ ନେଇ ପ୍ରଚାର ହେବାରୁ ଗାଁ ଗାଁରେ ଆତଙ୍କ ଦେଖାଦେଇଛି । ଉପାନ୍ତ ଅଂଚଳରେ ପୁଲିସ ପାଟ୍ରୋଲିଂ ଢିଲା ଥିବାରୁ ନିଜ ସୁରକ୍ଷା ନିଜେ କରିବାକୁ ଆଗେଇ ଆସିଛନ୍ତି ଯୁବଗୋଷ୍ଠୀ । ତୁଷୁରା ଥାନାର ଜାମୁଟ ହେଉଛି ଏକ ଉପାନ୍ତ ଜଙ୍ଗଲ ଘେରା ଗାଁ । ଏହି ଗାଁକୁ ଲାଗିକି କଳାହାଣ୍ଡି, ବୌଦ୍ଧ, କନ୍ଧମାଳ ଜିଲ୍ଲାର ବିଭିନ୍ନ ଗାଁ ରହିଛି । ରାତି ହେଉକି ଦିନ ପ୍ରତି ଘଣ୍ଟାରେ ରାଜ୍ୟ ବାହାରର ଚାରିଚାକିଆ ଯାନ ଚକର କାଟୁଛି । ଫଳରେ ଆତଙ୍କିତ ଅବସ୍ଥାରେ ରହୁଛନ୍ତି ଗାଁ ଲୋକେ। ବିଶେଷ କରି ଏହି ଗାଁ ଦେଇ ଗଞ୍ଜେଇ ଚୋରା ଚାଲାଣ ହେଉଥିବାରୁ ଗୁପ୍ତବୁଝାମଣା ଯୋଗୁଁ ଠିକ ଭାବରେ ପୁଲିସ ପାଟ୍ରୋଲିଂ କରୁନାହିଁ ବୋଲି ଗାଁ ଲୋକେ ଅଭିଯୋଗ କରୁଛନ୍ତି । ଗତ କିଛି ଦିନ ହେଲା ସନ୍ଧ୍ୟାରୁ ସକାଳ ଯାଏ ବିଭିନ୍ନ ଛକରେ ପାଲି କରି ଗାଁ ଜଗୁଛନ୍ତି ଜାମୁଟ ଗାଁର ଯୁବଗୋଷ୍ଠୀ । ଏଣୁ ଏହି ଅଞ୍ଚଳରେ ପୁଲିସ ପାଟ୍ରୋଲିଂ କଡାକଡି କରିବାକୁ ସାଧାରଣରେ ଦାବି ହେଉଛି ।
Popular Categories
Previous article
Next article