କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସଦର ମହକୁମାରେ ୨୦ ଦିନର ବ୍ୟବଧାନରେ ୪ଟି ଘରୁ ଚୋରି ହୋଇଥିବା ବେଳେ ଚୋରର ସୁରାକ ପାଉନି ପୁଲିସ । ତ୍ରିପାଠୀ ସାହିରେ ଗିରିଜା ତ୍ରିପାଠୀଙ୍କ ଘରେ ଭଡାରେ କିଛି ତେଲୁଗୁ ସମ୍ପ୍ରଦାୟର ଲୋକମାନେ ରହି ବ୍ୟବସାୟ କରି ଆସୁଥିଲେ । ଗତକାଲି ବିଳମ୍ବିତ ବ୍ୟବସାୟୀ ଶ୍ରୀନିବାସ ରେଡିଙ୍କ ମାଆ ନାଗମଣି ତୋଟା ଶୌଚ ପାଇଁ ଯାଇଥିଲେ । ସେହି ସମୟରେ ତିନିଜଣ ଦୁର୍ବୃତ୍ତ ମାନେ ହଠାତ ଆସି ନାଗମଣି ତୋଟାଙ୍କ ବେକରେ କପଡା ଭିଡିଦେଇ ଟଙ୍କା କେଉଁଠି ଅଛି କୁହ । ନଚେତ ଜୀବନରେ ମାରିଦେବୁ ବୋଲି ଧରିଥିବା ଛୁରି ଦେଖାଇ ଧମକ ଦେଇଥିଲେ ।
ମହିଳା ଜଣକ ଭୟଭୀତ ହୋଇ ରୋଷେଇ ଘରେ ରଖିଥିବା ଲୁଗାପଟା ଭିତରେ ଟଙ୍କା ବ୍ୟାଗ ବାହାର କରି ବଢାଇଦେଇଥିବା ମହିଳା ଜଣଙ୍କ କହିଛନ୍ତି । ସେଥିରେ ପ୍ରାୟ ୨ଲକ୍ଷ ୮୦ ହଜାର ଟଙ୍କା ରଖିଥିବା ମହିଳା ଜଣଙ୍କ ସୂଚନା ଦେଇଛନ୍ତି । ଘରେ ଚୋରି ହୋଇଥିବା ବେଳେ ସୋଇରହିଥିବା ଅନ୍ୟ ୫ଜଣ ପୁରୁଷ ଜାଣିପାରିନଥିଲେ । ମାଆ ଉଠାଇ ଘଟଣା ସମ୍ପର୍କରେ କହିବା ପରେ ସ୍ଥାନୀୟ ଥାନାରେ ଲିଖିତ ଅଭିଯୋଗ ଦିଆଯାଇଥିଲା । ଅଭିଯୋଗକୁ ଭିର୍ତ୍ତି କରି ଥାନା ଏସ ଆଇ ସଞ୍ଜୟ କୁମାର ମୁର୍ମୁ , ଶିବ ପ୍ରସାଦ ସାହୁ, ଅନୁସନ୍ଧାଣି କୁକୁର ଓ ସାଇଣ୍ଟିପିକ ଦଳ ପହଞ୍ଚି ତଦନ୍ତ କରିଥିଲେ ।
ପ୍ରାୟ ୨୦ ଦିନ ମଧ୍ୟରେ ଚାରଟି ସ୍ଥାନରେ ଚୋରି ହୋଇଥିଲା । ପ୍ରଥମ ଦୋକାନରେ ଚୋରାଇଥିବା ଚୋରକୁ ସିସିଟିଭି ଫୁଟେଜ ମାଧ୍ୟମରେ ଧରିଥିବା ବେଳେ ଅନ୍ୟ ତିନିଘରେ ଚୋରି ହୋଇଥିବା ଲୁଟେରାଙ୍କ ସୁରାକ ପାଉନାହିଁ ପୁଲିସ । ଯାହାଫଳରେ କଲ୍ୟାଣସିଂହପୁର ସହରବାସୀ କୁକୁଆଭୟରେ ରହିଛନ୍ତି । ଏସମ୍ପର୍କରେ ଏସ ଆଇ ସଞ୍ଜୟ କୁମାର ମୁର୍ମୁଙ୍କୁ ପଚାରିବାରୁ ଘଟଣାର ତଦନ୍ତ ଚାଲିଛି ବୋଲି ସୂଚନା ଦେଇଛନ୍ତି ।
