ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟ ଜାତୀୟ ରାଜପଥ କଡ଼ରେ ପାର୍କିଂ କରାଯଇଥିବା ଏକ ଟ୍ରକରୁ ବ୍ୟାଟେରୀ ଓ ଡିଜେଲ ଚୋରି କରିବା ମାମଲାରେ ପୁଲିସ ୩ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କ ଠାରୁ ଚୋରି ସାମଗ୍ରୀ ଉଦ୍ଧାର କରିଛି। ଗିରଫ ଅଭିଯୁକ୍ତମାନେ ହେଲେ ହରିପୁର ଗାଁର ଡି.ଶ୍ୟାମସୁନ୍ଦର (୨୮), ଜି.ଗୋପୀ(୨୪)ଏବଂ ଆର.ବାସୁ(୨୨) ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି।
ଅଭିଯୋଗ ଅନୁଯାୟୀ କନିଷି ହାଟ ଫାୟାର ଷ୍ଟେସନ ରୋଡ଼ ନିବାସୀ ସୁବାସ ଚନ୍ଦ୍ର ସାହୁ ,ନିଜର ଟ୍ରକ(ଓଡି ୦୨ ବିୟୁ ୯୨୨୫) କୁ କନିଷି ହାଟ ସନ୍ନିକଟ ଜାତୀୟ ରାଜପଥ କଡ ବୁଲୁ ଢ଼ାବା ସମ୍ମୁଖରେ ପାର୍କିଂ କରିଥିଲେ। ଗତ ୧୫ ତାରିଖ ରାତିରେ ଟ୍ରକରୁ ବ୍ୟାଟେରୀ ଓ ଡିଜେଲ ଚୋରି ହୋଇଥିବା ଜାଣିବା ପରେ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ୨୮୬/୨୨ ରେ ଏକ ମାମଲା ରୁଜୁ କରିବା ସହ ତଦନ୍ତ ଜାରି ରଖିଥିଲା। ତଦନ୍ତ ବେଳେ ଉପରୋକ୍ତ ୩ଅଭିଯୁକ୍ତକୁ ପୁଲିସ ଅଟକ ରଖି ପଚରା ଉଚୁରା କରିଥିଲା। ପଚରା ଉଚରା ସମୟରେ ସେମାନେ ଚୋରି କରିଥିବା ମାନିବା ସହ ସେମାନଙ୍କ ଠାରୁ ଚୋରି ଯାଇଥିବା ୨ଟି ୧୨ ଭୋଲଟ ଟ୍ରକ ବ୍ୟାଟେରୀ, ୧୦୦ ଲିଟର ଡିଜେଲ ଓ ଚୋରିରେ ବ୍ୟବହୃତ ଏକ ମୋଟରସାଇକେଲ ଗାଡ଼ିକୁ ଜବତ କରିବା ସହ ଆଜି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିଲା।
Comments are closed.