ରେଙ୍ଗାଲି: ରେଙ୍ଗାଲି ସ୍ଥିତ ସରସ୍ବତୀ ଶିଶୁ ବିଦ୍ୟାମନ୍ଦିର ପକ୍ଷରୁ ଆଜି ନିସାନଭଙ୍ଗା ଗ୍ରାମରେ ଶ୍ରୀକୃଷ୍ଣ ଜନ୍ମାଷ୍ଟମୀ ଉତ୍ସବ ପାଳନ କରାଯାଇଥିଲା। ଏହି ଅବସରରେ ଛାତ୍ର ଛାତ୍ରୀମାନେ ରାଧାକୃଷ୍ଣ, ଗୋପୀ-ଗୋପାଳ ବେଶରେ ସଜ୍ଜିତ ହୋଇ ନିସାନଭଙ୍ଗା ଗ୍ରାମରେ ଥିବା ରାମ ମନ୍ଦିରରେ ପୂଜାର୍ଚ୍ଚନା ପରେ ଗ୍ରାମ ପରିକ୍ରମା କରିଥିଲେ। କାର୍ଯ୍ୟକ୍ରମରେ ନିସାନଭଙ୍ଗା କୀର୍ତ୍ତନ ମଣ୍ଡଲିର ମୁଖ୍ୟ ଗାୟକ ସମୀର ବିଶ୍ବାଳ ଶ୍ରୀକୃଷ୍ଣ ଜନ୍ମ ବୃତ୍ତାନ୍ତ ଓ ମାହାତ୍ମ୍ୟ ଉପରେ ବକ୍ତବ୍ୟ ରଖିଥିଲେ। ସରସ୍ବତୀ ଶିଶୁ ବିଦ୍ୟାମନ୍ଦିର ପରିଚାଳନା କମଟିର ସଭାପତି ରାଜୀବ ମିଶ୍ର, ସମ୍ପାଦକ ସରୋଜ ବିଶୋଇ, ଯୁଗ୍ମ ସମ୍ପାଦକ ଜଗଦିଶ ପୂଜାରୀ, ପ୍ରଧାନ ଆଚାର୍ଯ୍ୟା ସଞ୍ଜୁଲତା ସାହୁ, କାର୍ୟ୍ୟାଳୟ ପ୍ରମୁଖ ନୂତନ ସାହୁ, ଶିଶୁ ବାଟିକା ପ୍ରମୁଖ ମମତା ନାୟକ ସମେତ ବିଦ୍ୟାମନ୍ଦିରର ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ।
Comments are closed.