ପାଟଣା : ପାଟଣା ବ୍ଲକ ଅନ୍ତର୍ଗତ ଡୁମୁରିଆ ଗ୍ରାମର ଶତାୟୁ ବୃଦ୍ଧ ଅନିରୁଦ୍ଧ ପଲେଇ ଗତକାଲି ୧୦୭ ବୟସରେ ପରଲୋକ ଗମନ କରିଛନ୍ତି। ସୂଚନା ଯୋଗ୍ୟ ଯେ ୧୯୧୮ ମସିହାରେ ଜନ୍ମ ଗ୍ରହଣ କରିଥିବା ଅନିରୂଦ୍ଧ ଇଂରେଜ ଅମଳରେ ମାସିକ ମାତ୍ର ୧୫ ଟଙ୍କା ବେତନରେ ବନ ଜଗୁଆଳି ବା ବନରକ୍ଷୀ ଭାବେ କାର୍ଯ୍ୟ କରୁଥିବା ସମୟରେ ଜଙ୍ଗଲ ଜଗିବାରେ ଡାହାଣୀ ଭୟଥିବା କହି ତାଙ୍କ ପିତା ମାତା ତାଙ୍କୁ ଚାକିରି ଛଡାଇ ଦେଇଥିଲେ। ଜଣେ ମିଷ୍ଟଭାଷୀ ଓ ଜଣାଶୁଣା ବ୍ୟକ୍ତି ଭାବେ ସେ ସୁପରିଚିତ ଥିଲେ। ପ୍ରବଳ ଶୀତ କାରଣରୁ ସେ ପରଲୋକ ଗମନ କରିଥିବା ତାଙ୍କ ପୁତ୍ର ସତ୍ୟାନନ୍ଦ ପଲେଇ କହିଛନ୍ତି। ମୃତ୍ୟ ବେଳକୁ ତାଙ୍କ ନିକଟରେ ଦୁଇ ଭାଇ ରାମଚନ୍ଦ୍ର ଓ କୃପାସିନ୍ଧୁ , ଏକମାତ୍ର ପୁତ୍ର ସତ୍ୟାନନ୍ଦ ,ନାତି ପିଣ୍ଟୁ ଓ ଲିଟୁ ଉପସ୍ଥିତ ଥିଲେ। ଶୋକାକୁଳ ପରିବେଶରେ ତାଙ୍କର ଅନ୍ତିମ ସଂସ୍କାର କରାଯାଇଛି।
Comments are closed.