ଆରଡି: ବୈତରଣୀ ଓ ସାଳନ୍ଦୀ ନଦୀର ଆସିଥିବା ବନ୍ୟା ଗତ ୫ଦିନ ଧରି ତାର କରାଳ ରୂପ ଦେଖାଇବା ପରେ ଗୁରୁବାର କ୍ରମଶଃ ହ୍ରାସ ପାଇବାରେ ଲାଗିଛି। ଫଳରେ ତଳିଆ ଅଞ୍ଚଳରେ ଲହଡି ଭାଙ୍ଗୁଥିବା ବନ୍ୟା ପାଣି କମିଥିଲେ ମଧ୍ୟ ବିପନ୍ନଙ୍କ ଦୁର୍ଦଶା ବଢିଯାଇଛି। ଏବେବି ମୁଆଁ ଓ ଡିହସାହି ଘୋଷରାରେ ବନ୍ୟାଜଳ ପ୍ରବାହିତ ହେଉଥିବାରୁ ୬ଟି ଗାଁ ବାହ୍ୟ ଜଗତରୁ ବିଛିନ୍ନ ହୋଇ ରହିଛି। ସେହିପରି ଦୋହରାପାଟଣା, ବୋଡକ, ମୁଆଁ ଗାଁର ଅନେକ ସାହିରେ ବନ୍ୟା ଜଳ ଏବେ ଛାଡିଥିବାରୁ ବିପନ୍ନମାନେ ନିଜର ଘର ସଜାଡିବା ସହ ଆସବାବପତ୍ର ସାଇତି ରଖୁଛନ୍ତି। ବିଶେଷକରି ଦୀର୍ଘ ୬ ଦିନ ହେବ କ୍ଷେତରେ ବନ୍ୟାପାଣି ଅଣ୍ଟାଏ ଉଚ୍ଚର ଲହଡି ଭାଙ୍ଗୁଥିବାରୁ ଗୃହପାଳିତ ପଶୁ କ୍ଷେତକୁ ନଯାଇ ଗାଁ ଦାଣ୍ଡ ଓ ନଦୀବନ୍ଧ ଉପରେ ବନ୍ଧା ହୋଇ ରହିଛନ୍ତି। ଅନ୍ୟପଟେ ବୈତରଣୀ ନଦୀର ଜଳସ୍ତର କମିଥିଲେ ମଧ୍ୟ ଆଖଣ୍ଡଳମଣି-କୁଆଖିଆ ଜାତୀୟ ରାଜପଥ ବୋଡକ ନିକଟରେ ଧୋଇଯାଇ ଥିବାରୁ ଅଟକି ରହିଥିବା ପର୍ଯ୍ୟଟକମାନେ ଝୁଡି, ଫାଉଡା ଧରି ବାଲି, ଚିପ୍ସ ପକାଇ ପାରି ହୋଇଥିଲେ।
Comments are closed.