ସମ୍ବଲପୁର: ସମ୍ବଲପୁରର ଉପକଣ୍ଠସ୍ଥ ବିଶାଲଖିଣ୍ଡା ଠାରେ ସ୍ଥିତ ଉଚ୍ଚ ବିଦ୍ୟାଳୟ ଠାରେ ବନ ମହୋତ୍ସବ – ୨୦୨୨ ପାଳିତ ହୋଇଯାଇଛି। ଶନିବାର ବିଦ୍ୟାଳୟର ସବୁଜ ବାହାନୀ ଏବଂ ବିଶାଲଖିଣ୍ଡା ଗ୍ରାମ ପଞ୍ଚାୟତ ସମିତିର ମିଳିତ ଆନୁକୂଲ୍ୟରେ ଆୟୋଜିତ ଏହି ଉତ୍ସବରେ ବିଦ୍ୟାଳୟ ପରିସରରେ ୧୫୦ଟି ବିଭିନ୍ନ ପ୍ରଜାତିର ଚାରା ରୋପଣ କରାଯାଇଥିଲା। ଏହି କାର୍ଯ୍ୟକ୍ରମ ଅବସରରେ ଆୟୋଜିତ ଏକ ସଭାରେ ପ୍ରଧାନ ଶିକ୍ଷକ ପ୍ରେମାନନ୍ଦ ଖମାରୀ ଙ୍କ ସଭାପତିତ୍ୱରେ ଆୟୋଜିତ ହୋଇଥିଲା। ଏଥିରେ ବନ ମହୋତ୍ସବ ପାଳନର ଗୁରୁତ୍ୱ, ଲକ୍ଷ୍ୟ ଓ ଆବଶ୍ୟକତା ଉପରେ ଅତିଥି ମାନେ ନିଜସ୍ୱ ବକ୍ତବ୍ୟ ରଖି ଛାତ୍ରଛାତ୍ରୀ ଓ ଜନତାଙ୍କୁ ଉତ୍ସାହିତ କରିଥିଲେ। କାର୍ଯ୍ୟକ୍ରମରେ ବିଦ୍ୟାଳୟ ପରିଚାଳନା କମିଟିର ସଭାପତି ସଚ୍ଚିଦାନନ୍ଦ ପ୍ରଧାନ, ବିଶାଲଖିଣ୍ଡା ଗ୍ରାମ ପଞ୍ଚାୟତର ସରପଞ୍ଚ ସରିତା ନାଥ, ପୁଷ୍ପାଞ୍ଜଳି ବେହେରା, ଫରେଷ୍ଟର ସୁକାନ୍ତ ମହାପାତ୍ର, ବିଭୂ ପଟ୍ଟନାୟକ, ଜଗନ୍ନାଥ ନାଥ, ସତ୍ୟଦେବ ବାରିକ, ଉମେଶ ସାହୁ, ରିକୁ ସାହୁ, ଦେବାଶିଷ ସାହୁ, ଦୟାନିଧି ଲାକଡା, ବବଲୁ ସାହୁଙ୍କ ସମେତ ସମସ୍ତ ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟତ୍ରୀ ଓ କର୍ମଚାରୀମାନେ ସକ୍ରିୟ ସହାୟତା କରିଥିଲେ। ବିଦ୍ୟାଳୟର ଶିକ୍ଷକ ରାମଚନ୍ଦ୍ର ଭୋଇ ସଭାକୁ ସଂଯୋଜନା କରିବା ସହିତ ଶେଷରେ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article