ଆଠଗଡ ତା-୧୦.୦୭.୨୦୨୨(ନିପ୍ର) ଆଠଗଡର ପରମ୍ପରା ଅନୁଯାୟୀ ଏକାଦଶୀରେ ସୁବର୍ଣ୍ଣମଣ୍ଡିତ ଜଗନ୍ନାଥଙ୍କୁ ଶ୍ରୀ ହନୁମାନଜୀଉ ଦର୍ଶନ କରିଥିଲେ । ଚାନ୍ଦବାଲିଛକସ୍ଥିତ ମନ୍ଦିରରୁ ଶ୍ରୀ ହନୁମାନ ଜୀଉଙ୍କ ଚଳନ୍ତି ପ୍ରତିମାଙ୍କୁ ଏକ ସୁସଜ୍ଜିତ ବିମାନରେ ଘଣ୍ଟ, ଘଣ୍ଟା, ସଂକୀର୍ତ୍ତନ ସହ ଏକ ଶୋଭାଯାତ୍ରାରେ ଆସି ରଥାରୂଢ ଜଗନ୍ନାଥଙ୍କୁ ଦର୍ଶନ କରାଇବା ସହିତ ଭୋଗ ନୈବେଦ୍ୟ ସମର୍ପଣ କରାଯାଇଥିଲା । ଲୋକସେବକ ମଣ୍ଡଳର ରାଷ୍ଟ୍ରୀୟ ଉପସଭାପତି, ଓଡିଶା ଶାଖା ଅଧ୍ୟକ୍ଷ ଏବଂ ସମାଜର ପ୍ରକାଶକ ଓ ମୁଦ୍ରାକର ତଥା ହନୁମାନ ମନ୍ଦିରର ପ୍ରତିଷ୍ଠାତା ପଣ୍ଡିତ ନିରଞ୍ଜନ ରଥ ଅନ୍ୟ ଶ୍ରଦ୍ଧାଳୁଙ୍କ ସହ ଶ୍ରୀ ହନୁମାନ ଜୀଉଙ୍କ ବିମାନକୁ କାନ୍ଧରେ ଆଣି ଜଗନ୍ନାଥ ଦର୍ଶନ କରାଇଥିଲେ । ରଥ ନିକଟରେ ଉପଜିଲ୍ଲାପାଳ ହେମନ୍ତ କୁମାର ସ୍ୱାଇଁ, ବିମାନରୂଢ ହନୁମାନ ଜୀଉଙ୍କୁ ପାଛୋଟି ନେବା ସହ ନିଜେ ବିମାନ କାନେ୍ଧଇଥିଲେ । ରଥ ନିକଟରେ ଉପସ୍ଥିତ ଶହ ଶହ ଶ୍ରଦ୍ଧାଳୁ ଏହି ଭକ୍ତ ଭଗବାନଙ୍କ ଅପୂର୍ବ ମିଳନ ଦୃଶ୍ୟକୁ ଦେଖି ଭାବବିହ୍ୱଳ ହୋଇପଡିଥିଲେ ।
Comments are closed.