ଚୌଦ୍ୱାର : ରାଜ୍ୟ ତଥା ଦେଶର ସର୍ବପୁରାତନ ଓଡିଆ ସମ୍ବାଦପତ୍ର ‘କୁଜିବରପତ୍ର’ର ପ୍ରତିଷ୍ଠାତା ମହାତ୍ମା ସାଧୁସୁନ୍ଦର ଦାସଙ୍କୁ ରାଜ୍ୟ ତଥା ଦେଶରେ ପରିଚିତ କରାଇବାର ଉଦ୍ଦେଶ୍ୟ ନେଇ ଉତ୍କଳ ସାମ୍ବାଦିକ ସଂଘ କଟକ ଜିଲ୍ଲା ଶାଖା ପକ୍ଷରୁ ସାଧୁସୁନ୍ଦର ସ୍ମୃତି ସମ୍ନାନ ଉତ୍ସବ ଅନୁଷ୍ଠିତ ହୋଇଯାଇଛି। ପୌର ଟାଉନହଲ ପରିସରରେ ସଂଘର ସଭାପତି ସତ୍ୟବ୍ରତ ଦାସଙ୍କ ପୌରହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କୃଷି ଓ କୃଷକ କଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ମୁଖ୍ୟ ଅତିଥି ଭାବେ ଯୋଗଦେଇ ମହାତ୍ମା ସାଧୁ ସୁନ୍ଦରଙ୍କ ଦ୍ୱାରା ପ୍ରକାଶିତ ପ୍ରଥମ ହାତଲେଖା ସମ୍ବାଦପତ୍ର ‘କୁଜିବରପତ୍ର’ ରାଜ୍ୟର ନୁହେଁ ବରଂ ଦେଶର ପ୍ରଥମ ସମ୍ବାଦପତ୍ର ଅଟେ । ତାହା ପ୍ରମାଣିତ କରିବାକୁ ସମସ୍ତଙ୍କ ଆପ୍ରାଣ ଉଦ୍ୟମ ଆବଶ୍ୟକତା ଥିବା ସେ ପ୍ରକାଶ କରିଥିଲେ। ସଂଘର ରାଜ୍ୟ ସଭାପତି ବିଭୁତି ଭୁଷଣ କର, ବସନ୍ତ କୁମାର ସାହାଣୀ, ସୁବାଷ ପାଢୀ, ପ୍ରୀତି ରଞ୍ଜନ ବେହେରା, ସାଲେପୁର ବିଧାୟକ ପ୍ରଶାନ୍ତ ବେହେରା, କଟକ-ବାରବାଟୀ ବିଧାୟକ ମହମ୍ମଦ ମୋକିମ୍, ଚୌଦ୍ୱାର-କଟକ ପୁର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ ପ୍ରମୁଖ ଅତିଥି ଭାବେ ଯୋଗଦେଇ ସଂଘର ଏଭଳି ଉଦ୍ୟମକୁ ପ୍ରସଂଶା କରିଥିଲେ। ଏହି ଅବସରରେ ବରିଷ୍ଠ ସାମ୍ବାଦିକ ସୁରେନ୍ଦ୍ର ପଲେଇ, ଗଦାଧର ପଣ୍ଡା, ସୁକେଶ ବେହେରା ଓ କ୍ରିକେଟ୍ ଖେଳାଳୀ ବିପ୍ଳବ ସାମନ୍ତରାୟଙ୍କୁ ସମ୍ବର୍ନ୍ଧିତ କରାଯାଇଥିଲା। ଅଶୋକ ଦାସ ସ୍ୱାଗତ ଭାଷଣ ଓ ସଞ୍ଜିବ୍ ତିୱାରୀ ଧନ୍ୟବାଦ ଅର୍ପଣ କରିଥିଲେ ।କାର୍ଯ୍ୟକ୍ରମରେ ବହୁ ସାମ୍ବାଦିକ, ବୁଦ୍ଧିଜୀବୀ ଓ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ ।
Comments are closed.