କଲ୍ୟାଣସିଂହପୁର: କାଳ ବୈଶାଖୀ ତାଣ୍ଡବରେ ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପୋଲମା ପଞ୍ଚାୟତର କାରୁକଣାର ଗୋଟିଏ ଓ ପଡିଭଟ୍ଟାର ତିନୋଟି ବଳଦ ଓ ଗାଈଙ୍କର ବଜ୍ରପାତରେ ମୃତ୍ୟୁ ହୋଇଥିବା ସୂଚନା ମିଳିଛି । ଗତକାଲି ଅପରାହ୍ନରେ କାଳ ବୈଶାଖୀ ତାଣ୍ଡବରେ ପ୍ରବଳ ବର୍ଷା ସାଙ୍ଗକୁ ପବନ, ବିଜୁଳି ଓ ଘଡଘଡି ମାରିଥିଲା । ସେହି ସମୟରେ ଗାଈମାନେ ଏକ ଗଛ ମୂଳରେ ଚରୁଥିଲେ । ହଠାତ ବଜ୍ରପାତ ହେବାରୁ ଚରୁଥିବା ବଳଦ ଓ ଗାଈଙ୍କ ମୃତ୍ୟୁ ହୋଇଥିଲା। କାରୁକଣା ଗାଁର ରହିଦାସ ହୁଈକା ଓ ପଡିଭଟ୍ଟା ଗାଁର ସମେଶ୍ୱର ହିକକା, ଶଥପତି ହିକକା, କୈଳାସ ହିକକାଙ୍କ ଗୋଟିଏ ବଳଦ ଓ ତିନୋଟି ଗାଈଙ୍କ ମୃତ୍ୟୁ ହୋଇଛି। ଏହାର ମୂଲ୍ୟ ପ୍ରାୟ ୮୦ ହଜାର ଟଙ୍କା ହେବ ବୋଲି ଜଣାପଡିଛି । ଏହି ଗରିବ ଲୋକଙ୍କୁ ସରକାରଙ୍କ ତରଫରୁ ସହାୟତ ଯୋଗାଇଦେବା ପାଇଁ ଦାବି ହୋଇଛି ।
Comments are closed.