ଆଠଗଡ : କେନ୍ଦ୍ର ଶିକ୍ଷା ଏବଂ ଦକ୍ଷତା ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହିତ କେନ୍ଦ୍ର ଶ୍ରମ ଓ ନିୟୋଜନ ରାଷ୍ଟ୍ରମନ୍ତ୍ରୀ ରାମେଶ୍ୱର ତେଲିଙ୍କୁ ଆଠଗଡ ବିଜେପି ପକ୍ଷରୁ ବୁଧବାର ସକାଳେ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଅନୁଗୁଳ ଜିଲ୍ଲା ବଳରାମପ୍ରସାଦ ଠାରେ ୧୦୦ ଶଯ୍ୟା ବିଶିଷ୍ଟ ଇଏସଆଇ ଡାକ୍ତରଖାନା ଉଦ୍ଘାଟନ କରିବାକୁ ଯାଉଥିବା ଦୁଇ କେନ୍ଦ୍ରମନ୍ତ୍ରୀ ଆଠଗଡ ଚାନ୍ଦବାଲି ଛକଠାରେ ପହଞ୍ଚିବା ପରେ ବରିଷ୍ଠ ବିଜେପି ନେତା ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ବ୍ରଜେନ୍ଦ୍ର କୁମାର ରାୟଙ୍କ ନେତୃତ୍ୱରେ ଅନ୍ୟ ଦଳୀୟ ନେତୃବୃନ୍ଦ ସେମାନଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ। ଆଠଗଡ ନିର୍ବାଚନ ମଣ୍ଡଳୀରେ ଦଳୀୟ ସଂଗଠନକୁ ତୃଣମୂଳସ୍ତରରେ ମଜବୁତ କରିବା ପାଇଁ ସମସ୍ତ କାର୍ଯ୍ୟକର୍ତ୍ତା ମନପ୍ରାଣ ଦେଇ ଉଦ୍ୟମ କରିବା ଲାଗି କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କାର୍ଯ୍ୟକର୍ତ୍ତାଙ୍କୁ ପରାମର୍ଶ ଦେଇଥିଲେ। ନଗରମଣ୍ଡଳ କାର୍ଯ୍ୟକାରୀ ସଭାପତି ହେମନ୍ତ କୁମାର ମହାନ୍ତି, ବରିଷ୍ଠ ନେତା ବିଚିତ୍ରାନନ୍ଦ ଜେନା, ଜଗଦାନନ୍ଦ ତ୍ରିପାଠୀ, ଇଲା ପଣ୍ଡା, ଜିଲ୍ଲା କୃଷକ ମୋର୍ଚ୍ଚା ସଭାପତି ଶଙ୍କର୍ଷଣ ମହାନ୍ତି, ହିମାଂଶୁ ସାହୁ, ପ୍ରକାଶ ସେଠୀ, ରାକେଶ ମହାନ୍ତି, ମିଥୁନ ମଲ୍ଲିକ, ସମୀର ପ୍ରଧାନ, ଅଶୋକ ମହାନ୍ତି, ନୂତନ କୁମାର ରାଉତ, ଦେବାଶିଷ ମିଶ୍ର ପ୍ରଦୀପ ମହାପାତ୍ର, କଳ୍ପନା ମହାପାତ୍ର, ଗାୟତ୍ରୀ ତିପାଠୀ, ସାଗରିକା ସେଠୀ ପ୍ରମୁଖଙ୍କ ସମେତ ବହୁ ଦଳୀୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
Comments are closed.