ଜୟପୁର – ରାଜସ୍ଥାନର ବାଂସବାଡା ଜିଲ୍ଲାରେ ଏକ ଅଭାବନୀୟ ଘଟଣା ଘଟିଛି । ଅପହରଣ , ଦୁଷ୍କର୍ମପରେ ଅପରାଧରେ ସାମିଲ୍ ତିନିଜଣ ବିଚାରଧୀନ କଏଦୀ ଜେଲ୍ରୁ ଫେରାର ହୋଇଯାଇଛନ୍ତି । ଏହି କଏଦୀମାନେ କମ୍ବଳ କାଟି ସେଥିରୁ ଦଉଡି ବା ରଶି ପ୍ରସ୍ତୁତ କରିଥିଲେ । ପରେ ଜେଲ୍ର ସେମାନେ ରହୁଥିବା କାନ୍ଥକୁ କଣା କରିଥିଲେ । ଏଥିରେ ସେମାନେ ସଫଳ ହେବାପରେ ସେମାନେ ବାହାରକୁ ଆସିଥିଲେ । ପରେ ବିଶାଳ କାନ୍ଥକୁ ସେମାନେ କମ୍ବଳରେ ତିଆରି କରିଥିବା ରଶି ସାହାଯ୍ୟ ଡେଇଁ ଫେରାର ହୋଇଯାଇଥିଲେ ।
ଜେଲପୃର ମାନ ସିଂଙ୍କ ଅନୁସାରେ ଗତ କିଛି ଦିନ ତଲେ ଏହି କଏଦୀମାନଙ୍କୁ ଜେଲ୍କୁ ଅଣାଯାଇଥିଲା । ଏହାପରେ ତିନିଜଣ ଯାକ ଯୋଜନା କରି ସେମାନେ ରହୁଥିବା ବାରାକ୍ର ଏକ ଝରକା ତଳେ ଥିବା ପଥରକୁ ହଟାଇଥିଲେ । ଖାଇବା ପାଇଁ ବ୍ୟବହାର କରାଯାଉଥିବା ଷ୍ଟିଲ୍ ଥାଳିରେ ସେମାନେ ଏପରି କରିଥିଲେ ।
ରାତିରେ ପ୍ରାୟ ୨.୩୦ରୁ ୩ଟା ମଧ୍ୟରେ ସେମାନେ ଝରକା ତଳ ଦେଇ ଖସିବା ପରେ ପାଚୀରକୁ କମ୍ବଳରେ ତିଆରି କରିଥିବା ରଶି ସାହାଯ୍ୟରେ ଚଢିଥିଲେ । ପରେ ଏମାନେ ବାହାରକୁ ଚାଲିଯାଇଥିଲେ । ଏହାର ୩ ଘଣ୍ଟା ପରେ ଭୋର ୫ଟା୩୦ ସମୟରେ ଜେଲ୍ ପ୍ରଶାସନକୁ ଏ ବିଷୟରେ ସୂଚନା ମିଳିଥିଲା । ଏହି ବାରାକରେ ୪ ଜଣ ଥିଲେ । ମାତ୍ର ଜଣେ ସେମାନଙ୍କ ସହ ସାମିଲ ହୋଇ ନଥିଲା।
ଏହି ସୂଚନା ମିଳିଥିବା ପରେ ପୁଲିସ ସମ୍ପୂର୍ଣ୍ଣ ଅଞ୍ଚଳକୁ ଘେରାଉ କରିଥିଲା । ପୁଲିସ ବିଭିନ୍ନ ଟିମ୍ ଗଠନ କରି ଏମାନଙ୍କୁ ତଲାସ କରିବାରେ ଲାଗିଛି ।
