କଟକ : ବାରବାଟୀ ଷ୍ଟାଡ଼ିୟମରେ ରବିବାର ଖେଳାଯିବାକୁ ଥିବା ଭାରତ ଓ ଦକ୍ଷିଣ ଆଫ୍ରିକା ଟି୨୦ ମ୍ୟାଚ ଲାଗି ୫୦୦୦ ଟିକଟ ଅନଲାଇନରେ ବିକ୍ରି କରାଯାଇଥିଲା। ଅନ୍ଲାଇନରେ ଟିକଟ ବୁକିଂ କରିଥିବା ଦର୍ଶକ ସେମାନଙ୍କ ମୂଳ କପିକୁ ଦେଖାଇ ଅସଲି ଟିକଟ ୯ ଓ ୧୦ ତାରିଖରେ କେମ୍ବ୍ରିଜ ସ୍କୁଲ ନିକଟରୁ ହାସଲ କରିପାରିବେ ବୋଲି ସୂଚନା ଦିଆଯାଇଥିଲା। ଅନ୍ଲାଇନରେ ଟିକଟ ବୁକିଂ କରିଥିବା ଦର୍ଶକ ମୂଳ କପି ସହ ଗୁରୁବାର କେମ୍ବ୍ରିଜ ସ୍କୁଲ ନିକଟରେ ଅସଲି ଟିକଟ ନେବା ଲାଗି ଧାଡ଼ି ଲଗାଇଥିଲେ। କିନ୍ତୁ କୌଣସି ମୂଳ ଟିକଟ ପ୍ରଦାନ କରାଯାଇନଥିଲା। ଯାହାକୁ ନେଇ ଅନ୍ଲାଇନରେ ଟିକଟ ବୁକିଂ କରିଥିବା କ୍ରିକେଟପ୍ରେମୀ ହୋ ହାଲ୍ଲା କରିଥିଲେ। ଏପରିକି ଟିକଟ ଲାଗି ଧାରଣାରେ ବସିଥିଲେ। ପରେ ବୁଝାସୁଝା ପରେ ଧାରଣାରୁ ଉଠିଥିଲେ। ଶୁକ୍ରବାର ଉକ୍ତ ଟିକଟ ପ୍ରଦାନ କରାଯିବ।
Comments are closed.