ଭୁବନେଶ୍ୱର: ରାଜଧାନୀ ଭୁବନେଶ୍ୱରରୁ ପୁଣି ବିପୁଳ ପରିମାଣର ଧଳାଜହର ଜବତ ହୋଇଛି । ଭୁବନେଶ୍ୱର ଏମସ ନିକଟରେ ବିକ୍ରି ପାଇଁ ଡିଲ୍ ଚାଲିଥିବା ବେଳେ ଏସଟିଏଫ୍ ପକ୍ଷରୁ ଚଢ଼ାଉ କରାଯାଇ ୨କେଜି ୫୮ ଗ୍ରାମ୍ ଧଳାଜହର ଜବତ କରାଯାଇଛି । ଘଟଣାରେ ୩ଜଣଙ୍କୁ ମଧ୍ୟ ଗିରଫ କରିବାରେ ସଫଳ ହୋଇଛି ଏସଟିଏଫ୍ । ଗିରଫ ହୋଇଥିବା ଅଭିଯୁକ୍ତ ୩ଜଣ ଖୋର୍ଦ୍ଧା ଜିଲ୍ଲାର ବୋଲି ଜଣାପଡ଼ିଛି । ସେମାନଙ୍କ ଘର ଖୋର୍ଦ୍ଧା ଜିଲ୍ଲାର ରଣସିଂହପୁର, ଖଣ୍ଡଗିରି ଓ ବାଲିପାଟଣା ବୋଲି ସୂଚନା ଦିଆଯାଇଛି । ଜବତ ହୋଇଥିବା ଧଳାଜହରର ଦାମ୍ ୨କୋଟି ୫୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ପୂର୍ବରୁ ମଧ୍ୟ ରାଜଧାନୀ ଭୁବନେଶ୍ୱରରୁ ବିପୁଳ ପରିମାଣର ଧଳାଜହର ଜବତ ହେବା ସହ ଅନେକ ଅଭିଯୁକ୍ତ ଗିରଫ ହୋଇଛନ୍ତି । ହେଲେ ଏହି ଧଳାଜହର ଚେର କେଉଁ ଯାଏ ଲମ୍ବିଛି ? ଓ କେଉଁଠାରୁ ଆସୁଛି ତାହା ଏଯାଏ ପୁଲିସ କି ଏସଟିଏଫ୍ ଜାଣିପାରୁନାହିଁ ।
Comments are closed.