ବାରିପଦା: ବାରିପଦା ସହର ଉପକଣ୍ଠ ମଞ୍ଚା ବନ୍ଧା ଗ୍ରାମରେ ରବିବାର ବିଳମ୍ବିତ ରାତିରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତକ ଜଣକ ସେଠାରେ ଏକ ଦେଶୀ ମଦ ଭାଟିରେ କାମ କରୁଥିଲେ । ସେ କାମ ସାରିବା ପରେ ସେଠାରେ ଶୋଇଥିବା ବେଳେ ହାତୀ ତାଙ୍କୁ କଚାଡ଼ି ମାରିଦେଇଥିବା ଅଭିଯୋଗ ହୋଇଛି । ଏନେଇ ବନ ବିଭାଗ ପକ୍ଷରୁ ତଦନ୍ତ କରାଯାଉଥିବା ବେଳେ ମୃତକ ଜଣକ ଧୀର କୁମାର ସିଂହ ବୋଲି ଜଣାପଡ଼ିଛି । ତାଙ୍କ ଘର ବିହାରର ଔରଙ୍ଗାବାଦରେ ବୋଲି ସୂଚନା ମିଳିଛି । ଘଟଣାସ୍ଥଳରୁ ବନ ବିଭାଗ ମୃତଦେହ ଉଦ୍ଧାର କରିବା ପରେ ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଦେଇଛି ।
Comments are closed.