ଭୁବନେଶ୍ୱର; ଭୁବନେଶ୍ୱର ଭିଜିଲାନ୍ସ କାର୍ଯ୍ୟାଳୟରେ ହାଜର ହେଲେ ମାହାଙ୍ଗା ଥାନା ଆଇଆଇସି ନିହାର ରଞ୍ଜନ ମହାନ୍ତି । ଭିଜିଲାନ୍ସର ନିର୍ଦ୍ଦେଶ ପରେ ଆଇଆଇସି ନିହାର ଆଜି ଭିଜିଲାନ୍ସ କାର୍ଯ୍ୟାଳୟରେ ହାଜର ହୋଇଛନ୍ତି । ଗତକାଲି ରାତିରେ ନିହାରଙ୍କ ପତ୍ନୀ ରାୟଗଡ଼ା ଅବକାରୀ ଅଧୀକ୍ଷକ ନିନା ବେଉରାଙ୍କୁ ଭିଜିଲାନ୍ସ ଗରିଫ କରିଥିଲା । ଗାଡ଼ିରେ ୬ଲକ୍ଷ ଟଙ୍କା ନେଇ ଆସୁଥିବା ବେଳେ ଭିଜିଲାନ୍ସ ନିନାଙ୍କୁ ପଚରାଉଚରା କରିବା ସହ ଗିରଫ କରିଛି। ସୂଚନା ଅନୁଯାୟୀ ନିନା ଗାଡ଼ିରେ ଏତେଗୁଡ଼ିଏ ଟଙ୍କା ନେଇ ଯାଉଥିବା ଖବର ଭିଜିଲାନ୍ସ ବିଶେଷ ସୂତ୍ରରୁ ପାଇଥିଲା । ଖବର ପାଇବା ପରେ ଖୋର୍ଦ୍ଧା ନିକଟରେ ନିନାଙ୍କ ଗାଡ଼ିକୁ ପିଛା କରିଥିଲା । ପିଛା କରିବା ପରେ ନିନାଙ୍କ ଗାଡ଼ିକୁ ଅଟକାଇବା ସହ ଏତେ ପରିମାଣର ଟଙ୍କାକୁ ନେଇ ପ୍ରଶ୍ନ କରିଥିଲା ।
ହେଲେ ଟଙ୍କାକୁ ନେଇ ନିନା କୌଣସି ପ୍ରକାରର ସନ୍ତୋଷ ଜନକ ଉତ୍ତର ଦେଇ ପାରିନଥିବାରୁ ଭିଜିଲାନ୍ସ ତାଙ୍କୁ ଗିରଫ କରିଥିଲା । ପରେ ତାଙ୍କ ବାସ ଭବନରେ ଚଢ଼ାଉ କରିବାକୁ ପ୍ରାୟସ କରିଥିଲା ଭିଜିଲାନ୍ସ । ହେଲେ ତାଙ୍କ ଘରେ ଚଢ଼ାଉ ହୋଇପାରିନଥିଲା । ନିନାଙ୍କ ସ୍ୱାମୀ ତଥା ମାହାଙ୍ଗା ଥାନାର ଆଇଆଇସି ନିହାର ରଞ୍ଜନ ମହାନ୍ତି ଏ ସମ୍ପର୍କରେ ସୂଚନା ପାଇ ଘରେ ତାଲା ପକାଇ କେଉଁ ଆଡେ ପଳାଇଥିବା ସନ୍ଦେହ କରାଯାଉଥିଲା । ଭିଜିଲାନ୍ସ ନିହାରଙ୍କୁ ଅଫିସରେ ହାଜର ହେବାକୁ ନିର୍ଦ୍ଦେଶ ଦେଇଥିଲା ।
Comments are closed.