ଚଣ୍ଡିଗଡ଼: ପଞ୍ଜାବର ବଠିଣ୍ଡା ବସ୍ ଷ୍ଟାଣ୍ଡରେ ବଡ଼ଧରଣର ଅଗ୍ନିକଣ୍ଡ ଘଟିଛି । ଅଗ୍ନିକାଣ୍ଡରେ ଦୁଇଟି ବସ୍ ସମ୍ପୂର୍ଣ୍ଣ ଭାବେ ଜଳିଯାଇଥିବା ବେଳେ ଅଗ୍ନିକାଣ୍ଡରେ ଜଣେ କଣ୍ଡକ୍ଟର ପୋଡ଼ି ହୋଇ ମୃତ୍ୟୁବରଣ କରିଛନ୍ତି । ଘଟଣାସ୍ଥଳରେ ନିଆଁ ଲାଗିବା ପରେ ଅନ୍ୟ ବସ୍ ଓ ଗାଡ଼ିଗୁଡ଼ିକୁ ଅନ୍ୟତ୍ର ନିଆଯାଇଥିଲା । ହେଲେ ନିଆଁ ଏତେ ଯେ ଭୟଙ୍କର ଥିଲା ସଙ୍ଗେସଙ୍ଗେ ଦୁଇଟି ବସକୁ ବ୍ୟାପି ଯାଇଥିଲା । ଏନେଇ ପୁଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଗତକାଲି ବିଳମ୍ବିତ ରାତିରେ ଏହି ଘଟଣା ଘଟିଥିବା ବେଳେ ବସ୍ରେ କିପରି ନିଆଁ ଲାଗିଲା ସେନେଇ ପୁଲିସ ତଦନ୍ତ କରୁଛି । ମୃତ କଣ୍ଡକ୍ଟରଙ୍କ ମୃତଦେହ ପୁଲିସ ଜବତ କରି ବ୍ୟବଚ୍ଛେଦ ପାଇଁ ପଠାଇଦେଇଛି ।
Comments are closed.