ଲାଞ୍ଜିଗଡ଼: ଲାଞ୍ଜିଗଡ଼ସ୍ଥିତ ବେଦାନ୍ତ ଲିମିଟେଡ୍ ଷ୍ଟାଫ କଲୋନୀ ନିକଟସ୍ଥ ହନୁମାନ ମନ୍ଦିର ନିକଟରେ ନବନିର୍ମିତ ଶ୍ରୀରାମ ମନ୍ଦିରରେ ରତ୍ନମୁଦ ସହିତ ପ୍ରତିଷ୍ଠା ସମାରୋହ ଅନୁଷ୍ଠିତ ହୋଇଯାଇଛି । ଏଇ ଅବସରରେ ଗତକାଲି ସ୍ଥାନିୟ ବଂଶଧାରା ନଦୀରୁ ଶତାଧିକ ମହିଳା ଓ ପୁରୁଷ ପୁଜାର୍ଚ୍ଚନା କରି କଳସ ଯାତ୍ରାରେ ଶ୍ରଦ୍ଧାଳୁ ମାନେ ସାମିଲ ହୋଇଥିଲେ । ଏହି ମନ୍ଦିର ପ୍ରତିଷ୍ଠାରେ କର୍ତ୍ତା ଭାବେ ବେଦାନ୍ତ ଲିମିଟେଡର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଗୋବିନ୍ଦଗୋପାଳ ପାଲ, ତାଙ୍କ ଧର୍ମପତ୍ନୀ ଶ୍ରଦ୍ଧା ପାଲ, ମାନବ ସମ୍ବଳ ମୁଖ୍ୟ ହେମନ୍ତ କୁମାର ଭାଟ୍ଟିଆ, ତାଙ୍କ ପତ୍ନୀ ଗୈାରୀ ଭାଟ୍ଟିଆ, ଏଲ୍ଏନ୍ ଟି କମ୍ପାନୀ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ପ୍ରଦୀପ କୁମାର ଦାଶ ଓ ପତ୍ନୀ ସୁଷମା ଦାସ ପ୍ରମୁଖ ଯୋଗ ଦେଇଥିବାବେଳେ ଅଶ୍ୱିନୀ କୁମାର ଦାସ ସେବକ ଭାବେ ସମସ୍ତ ଦାୟିତ୍ୱ ତୁଲାଇଥିଲେ । ଏଥିରେ ବହୁ ସଂଖ୍ୟକ ଭକ୍ତ ଓ ଶ୍ରଦ୍ଧାଳୁ ଉପସ୍ଥିତ ରହିଥିଲେ । ଏହି ମନ୍ଦିର ପ୍ରତିଷ୍ଠା ତିନିଧରି ପାଳିତ ହେବାକୁ ଥିବା ବେଳେ ଆସନ୍ତା ୨୫ତାରିଖରେ ସମ୍ପନ୍ନ ହେବ ବୋଲି ମନ୍ଦିର କମିଟି ତରଫରୁ ପ୍ରକାଶ କରିଛନ୍ତି । ଏହି ମନ୍ଦିର ପ୍ରତିଷ୍ଠାରେ ପୂଜକ ଭାବେ ପଣ୍ଡିତ ଦୀପକ ଦାସ ଓ ଆନନ୍ଦ ମିଶ୍ର ପୂଜାର୍ଚ୍ଚନା କରୁଛନ୍ତି ।
Comments are closed.